सावधान! सैंधव मीठ खात असाल, तर हार्ट अन् किडनीवर होईल परिणाम; डाॅक्टर काय सांगतात?

सैंधव मीठ (rock salt) कोणाला आवडत नाही? अनेक लोकांना सैंधव मीठ खायला खूप आवडते. पण तुम्हाला माहित आहे का की सैंधव मिठाचे दीर्घकाळ सेवन काही लोकांसाठी धोकादायक ठरू शकते. जे लोक आधीच काही आरोग्य समस्यांनी त्रस्त आहेत, त्यांच्यासाठी ते विषारी देखील ठरू शकते. सैंधव मिठामध्ये आयोडीन कमी आणि पोटॅशियम जास्त असते, ज्यामुळे हायपरकेलेमिया (hyperkalemia) होऊ शकतो.

हायपरकेलेमिया ही अशी स्थिती आहे ज्यामध्ये रक्तातील पोटॅशियमची पातळी सामान्यपेक्षा जास्त होते, जी हृदय, स्नायू आणि नसांसाठी धोकादायक असते. आयोडीनच्या कमतरतेमुळे तुम्हाला गलगंड (goiter) देखील होऊ शकतो. सैंधव मिठाचा मूत्रपिंड (kidneys) आणि हृदयावर वाईट परिणाम होतो. अशा स्थितीत तुम्ही ते पांढऱ्या आणि सैंधव मिठाच्या मिश्रणाने खावे.

आयुर्वेदिक डॉक्टर सिराज सिद्दीकी यांनी सांगितले की, सैंधव मीठ आणि पांढऱ्या मिठाची चव सारखी असली तरी त्यांचे परिणाम खूप वेगळे आहेत. पांढऱ्या मिठामध्ये योग्य प्रमाणात आयोडीन असते. ते सरकारद्वारे आयोडाईज्ड (iodised) केलेले असते. सैंधव मीठ अशा प्रकारे तयार केले जात नाही.

पांढऱ्या मिठामध्ये आयोडीनचे प्रमाण जास्त आणि पोटॅशियमचे प्रमाण कमी असते, तर सैंधव मिठामध्ये आयोडीनचे प्रमाण खूप कमी आणि पोटॅशियमचे प्रमाण जास्त असते. जर तुम्ही सतत सैंधव मिठाचे सेवन केले, तर तुमच्या शरीरात पोटॅशियमची पातळी वाढते, ज्याला वैद्यकीय भाषेत हायपरकेलेमिया म्हणतात.

डॉ. सिराज सिद्दीकी स्पष्ट करतात की जे लोक नियमितपणे सैंधव मीठ वापरतात त्यांना हायपरकेलेमियाची समस्या होते, जी नंतर गंभीर रूप धारण करते. जर आपल्या शरीरातील पोटॅशियमची मात्रा 3 ते 4 च्या दरम्यान राहिली तर ती सामान्य स्थिती आहे, तर ती 5 पर्यंत पोहोचल्यास तुम्हाला नुकसान होऊ शकते.

पोटॅशियमची पातळी वाढल्याने हृदय आणि मूत्रपिंड दोन्ही निकामी होऊ शकतात. म्हणूनच तुम्ही सैंधव मिठासोबत पांढऱ्या मिठाचा वापर मिसळून करावा. डॉ. सिराज सिद्दीकी यांच्या मते, पांढरे मीठ मिसळून खाल्ल्याने हायपरकेलेमिया आणि आयोडीनची कमतरता होणार नाही, ज्याचा हृदय आणि मूत्रपिंडावर वाईट परिणाम होतो.