Health Tip : ऐन तारुण्यात का येतोय हार्ट अटॅक? डाॅक्टरांनी सांगितलं त्यामागचं नेमकं कारण!

आजकाल 50 वर्षांपेक्षा कमी वयाच्या अनेक लोकांना छातीत दुखल्यामुळे जीव गमवावा लागत आहे. काही प्रकरणांमध्ये तर, 30 व्या वर्षीही काही लोकांना हार्ट अटॅक येऊन त्यांचा मृत्यू झाल्याचं समोर आलं आहे.

आजकाल तरुणांमध्ये हार्ट अटॅक जास्त का येत आहेत? यामागचं कारण काय आहे? हे खाण्यापिण्यामुळे की जास्त अंमली पदार्थांच्या सेवनामुळे होतंय?

50 वर्षांपेक्षा कमी वयाच्या अनेक लोकांचा हार्ट अटॅकने मृत्यू होतो. आधी असं मानलं जायचं की, जास्त वय असलेले, तणावपूर्ण नोकरी करणारे किंवा खूप कष्टाचे व्यायाम करणारे लोक हार्ट अटॅकने मरण्याची शक्यता जास्त असते.

पण आजकाल अनेक सामान्य लोकांना 50 वर्षांपेक्षा कमी वयात छातीत दुखण्याचा अनुभव येतोय. काही जणांचा तर 30 व्या वर्षीच हृदयविकाराच्या झटक्याने मृत्यू झाल्याची प्रकरणं आहेत. कोरोनाच्या दुष्परिणामांमुळे अशा तरुणांचा हृदयविकाराच्या झटक्याने मृत्यू होत असल्याचं म्हटलं जात असलं, तरी डॉक्टर सांगतात की याचं मुख्य कारण आनुवंशिक बदल हे आहे.

हृदयरोगतज्ज्ञ मुरलीधरन म्हणाले की, हार्ट अटॅक आणि मायोकार्डियल इन्फेक्शन या दोन्ही वेगवेगळ्या गोष्टी आहेत. ते पुढे म्हणाले की, ज्यांना हृदयविकाराचा झटका येतो, त्यांना तातडीने प्रथमोपचार मिळाल्यास वाचवता येऊ शकतं. डॉ. मुरलीधरन यांनी सांगितलं की, निरोगी जीवनशैली हाच हार्ट अटॅक टाळण्याचा एकमेव मार्ग आहे.