Beed Flood: बीडमध्ये आभाळ फाटलं, आष्टी बुडालं;धडकी भरवणारे PHOTOS

बीडच्या आष्टी शहरात ढगफुटीसदृश झालेल्या पाऊस झाला. पाटसरा गावातील शेत तलाव फुटल्याने पाच ते सात एकर जमीन वाहून गेली आहे. (सर्व ड्रोन फोटो सैजन्य - सागर धोंडे आणि शरद गर्जे)

आष्टी तालुक्यातील कडा परिसरातील सहा गावांना पुराच्या पाण्यानं वेढा दिलाय. कडा परिसरातील पूरग्रस्तांची हेलिकॉप्टरने सुटका करण्यात येत आहे. अडकलेल्या नागरिकांची आमदार सुरेश धस यांनी सुटका केलीय.

दोन विहिरी चार बोरवेल आणि काढणीला आलेल्या सोयाबीन पिकाचे प्रचंड नुकसान झालंय. - तात्काळ पंचनामे करून नुकसान भरपाई द्यावी अशी मागणी शेतकऱ्यांनी केलीय.

कडा परिसरातील सहा गावांना पुराच्या पाण्यानं वेढा दिलाय. पूर परिस्थितीमुळे एनडीआरएफ आणि भारतीय सैन्य मदतीसाठी बोलावण्यात आलंय. अनेक घरांमध्ये पाणी शिरल्यानं मोठं नुकसान झालंय..

जोरदार पावसामुळे प्रमुख प्रकल्प असलेल्या माजलगाव प्रकल्पातून हजारो क्यूसेक पाण्याचा विसर्ग सुरु करण्यात आला आहे.

माजलगाव धरणाचे 11 दरवाजे उघडण्यात आलेत... पाण्याची आवक वाढल्याचं पाहता विसर्ग आणखी वाढवला जाण्याचा अंदाज वर्तवला जातोय.

तर आष्टी तालुक्यात ढगफुटीसदृश्य पाऊस झाल्याने कडी नदी, कमलेश्वर नदीने धोक्याची पातळी ओलांडलीय.

अनेक गावांमध्ये पाणी शिरले आहे... जनावरही पाण्यात अडकलीत. तर पिकं पूर्ण पाण्याखाली गेल्यानं मोठं नुकसान झालंय.