Buldhana accident : बुलढाण्यात मोठी दुर्घटना; 48 प्रवाशी असलेली ट्रॅव्हल्स बस जळून खाक, घटनास्थळाचे पहिले photos

बुलढाणा जिल्ह्यात खासगी लक्झरी बसनं अचानक पेट घेतल्याची घटना घडली आहे. या घटनेत बस पूर्णपणे जळून खाक झाली आहे.

चिखली जवळील मेहकर फाटा येथे ही धक्कादायक घटना घडली आहे. बसला अचानक आग लागल्यानं घटनास्थळी एकचा गोंधळ उडाला.

ही खासगी बस लग्नाचं वऱ्हाड घेऊन चंद्रपूरवरून बुलढाण्याला निघाली होती. मात्र वाटेतच बसला भीषण आग लागली.

बसला नेमकी आग कशामुळे लागली याचं कारण अद्याप समोर आलेलं नाही, मात्र शॉट सर्किटमुळे आग लागल्याची प्राथमिक माहिती समोर येत आहे.

या अपघातामध्ये कोणतीही जिवीतहानी झालेली नाहीये, मात्र प्रवाशांचं संपूर्ण साहित्य जळून खाक झालं आहे.

या बसमधील प्रवासी हे चहा पिण्यासाठी खाली उतरले होते, त्याचवेळी या बसनं अचानक पेट घेतला. त्यामुळे मोठी दुर्घटना टळली आहे.

दरम्यान घटनेची माहिती मिळताच अग्नशमन दलाची गाडी घटनास्थळी दाखल झाली, मात्र तोपर्यंत खूप उशिर झाला होता, या घटनेत बस पूर्णपणे जळून खाक झाली आहे.