PHOTOS: लोणार सरोवराच्या दैत्य सुदन मंदिरात किरणोत्सव! एकादशीला दिसला सुंदर नजारा

दैत्य सुदन मंदिरातील भगवान विष्णूच्या मूर्तीवर सूर्यकिरणांचा प्रकाशझोत पडत असल्यानं या मूर्तीचे सौंदर्य आणखीनच फुलल्याचे पाहायला मिळाले.

लोणार तालुका परिसरातील नागरिकांनी आज एकादशीनिमित्त या मंदिरात मोठी गर्दी केली. इसवी सन 6 व्या ते 12 व्या शतकात बांधल्या गेलेल्या या मंदिराचे साम्य हे खजुराहो येथील मंदिरासारखेच असल्याचे सांगण्यात येते.

वास्तुशैलीच्या अनोख्या निर्माणामुळे दैत्य सुदन मंदिरातील भगवान विष्णूची ही मूर्ती सूर्यकिरणांनी न्हाहून निघाली आहे. या मूर्तीचे दर्शन घेण्यासाठी लोणारकर देखील सज्ज झाले आहेत.

एकूण चार दिवस या मूर्तीवर अशाच प्रकारे सूर्यकिरणे पडणार असल्याचं अभ्यासकांकडून सांगितलं जात आहे.