Buladhana News : घरातून येत होता आवाज, समोरचं दृश्य पाहून फुटला घाम, बुलढाण्यातील कुटुंबासोबत धक्कादायक प्रकार

बुलढाण्यामधून एक धक्कादायक बातमी समोर आली आहे, बुलढाणा जिल्ह्यातल्या सागवण गावात हा प्रकार घडला आहे, यामुळे चांगलीच खळबळ उडाली. कुटुंब थोडक्यात बचावलं आहे.

बुलढाणा जिल्ह्यातल्या सागवण गावात क्षीरसागर कुटुंब वास्तव्याला आहे, रात्रीच्या वेळी कुटुंबातील व्यक्ती झोपण्याची तयारी करत होते. एवढ्यात गजानन क्षीरसागर यांना घरातून अचानक आवाज आला.

घरातून आवाज येत असल्यानं त्यांनी शोध घेतला, समोरचं दृष्य पाहून त्यांना धक्काच बसला. त्यांच्या घरात भला मोठा नाग प्रजातीचा साप ठाण मांडून बसला होता.

त्यानंतर त्यांनी प्रसंगावधान राखत कुटुंबातील सर्व सदस्यांना बाहेर काढले आणि सर्पमित्रांना याबाबत माहिती दिली.

घटनेची माहिती मिळताच सर्पमित्रांनी तातडीनं घटनास्थळी धाव घेतली. साप घरात असल्यामुळे त्याला पकडण्यासाठी सर्पमित्रांना मोठी कसरत करावी लागली.

अखेर तब्बल दोन तासांच्या अथक प्रयत्नानंतर या सापला रेस्क्यू करण्यात सर्पमित्रांना यश आलं, त्यानंतर या सापला सर्पमित्रांनी सुरक्षीत अधिवासात सोडून दिलं.

क्षीरसागर यांच्या घरात आढळून आलेला हा साप, नाग प्रजातीचा आहे. नागाचा समावेश हा भारतातील विषारी सापाच्या प्रजातीमध्ये होतो.