समृद्धी महामार्गावर मध्यरात्री खासगी ट्रॅव्हल्सवर अज्ञातांकडू दगडफेक, 3 जण जखमी

बुलढाण्यातून एक धक्कादायक बातमी समोर आली आहे. समृद्धी महामार्गावर मध्यरात्री दोन खासगी ट्रॅव्हल्सवर अज्ञातांकडून दगडफेक करण्यात आली.

समृद्धी महामार्गावर बिबी गावाजवळ हा प्रकार घडला आहे, बसवर अचानक दगडफेक सुरू झाल्यानं प्रवाशांमध्ये दहशतीचं वातावरण निर्माण झालं

या दगडफेकीमध्ये एका बसमधील दोन प्रवाशांसह चालक जखमी झाला आहे. दगडफेकीनंतर दगडफेक करणारे फरार झाले.

या घटनेत जखमी झालेल्या व्यक्तींवर समृद्धी रुग्णवाहिकेतील डॉक्टरांकडून उपचार करण्यात आले. या दोन्ही बस नागपूरवरून मुंबईच्या दिशेनं निघाल्या होत्या.

दरम्यान दगडफेकीनंतर चालकानं दोन किमी अंतरावर बस थांबवून प्रसंगावधान राखत पोलिसांना फोन करून याबाबत माहिती दिली. घटनेबाबत तपास सुरू असल्याचं पोलिसांनी सांगितलं.