आजचं हवामान: मराठवाड्यात पुन्हा मुसळधार, छ. संभाजीनगरला अलर्ट, बीड, जालन्यात काय स्थिती?

गेल्या काही दिवसांमध्ये पावसाने विश्रांती घेतली आहे. त्यामुळे तापमानामध्ये मोठी वाढ बघायला मिळत आहे. मराठवाड्यामध्ये देखील जून महिना सुरू झाल्यापासून पावसाने विश्रांती घेतल्याचं चित्र आहे. यामुळे मराठवाड्यातील तापमानात मोठी वाढ झालेली आहे. 5 जून रोजी मराठवाड्यातील काही जिल्ह्यांमध्ये पावसाचा इशारा देण्यात आला आहे.

मराठवाड्यामधील धाराशिव जिल्ह्यात देखील आज पावसाचा यलो अलर्ट देण्यात आला आहे. या ठिकाणी गेल्या काही दिवसांपासून पावसाने विश्रांती घेतली होती पण आज मुसळधार पावसाची शक्यता हवामान विभागाकडून वर्तवण्यात आलीये. धाराशिवमध्ये देखील ताशी 30 ते 40 किलोमीटर प्रमाणे वारी वाहते.

परभणी, बीड आणि जालना या तीनही जिल्ह्यांमध्ये हलक्या ते मध्यम स्वरूपाच्या पावसाची शक्यता वर्तवली आहे. या ठिकाणी पावसाने विश्रांती घेतल्यामुळे तापमान मध्ये मोठी वाढ झाली असून पारा 33 अंशावरती गेला आहे. पुढच्या आठवड्यामध्ये या ठिकाणी मुसळधार पाऊस होईल असं सांगण्यात आला आहे.

नांदेड, हिंगोली आणि लातूर या तिन्ही जिल्ह्यांमध्ये जून महिना सुरू झाल्यापासून पावसाने विश्रांती घेतली आहे. 5 जून रोजी या ठिकाणी हलक्या ते मध्यम स्वरूपाचा पाऊस होईल. या ठिकाणी तापमान 34 अंशावरती गेलेला आहे. पुढच्या आठवड्यामध्ये मुसळधार पाऊस येण्याची शक्यता असल्यामुळे शेतकऱ्यांनी आपली मशागतीचे कामे लवकर पूर्ण करून घ्यावी, असं आवाहन करण्यात आलंय.