Marathwada Rain: मराठवाड्यात उघडीप की पुन्हा मुसळधार? हवामान विभागाकडून 24 तासांचं अपडेट

गेल्या काही दिवसांपासून राज्यात मान्सूनचा जोर वाढला आहे. मराठवाड्यात देखील जोरदार पाऊस सुरू आहे. छत्रपती संभाजीगनरसह आठही जिल्ह्यांत पावसाने हेजरी लावली. पेरणी योग्य पाऊस झालेल्या ठिकाणी खरिपाच्या पेरणी होत असल्याचे चित्र आहे. पुढील 24 तासांचा हवामान अंदाज जाणून घेऊ.

16 जून पासून मराठवाड्यात पावसाचा जोर ओसरनार आहे. आज मराठवाड्यातील कोणत्याही जिल्ह्याला यलो रेड किंवा ऑरेंज अलर्ट जारी करण्यात आलेला नाही. तरीही काही ठिकाणी हलका ते मध्यम पावसाची शक्यता हवामान विभागाने वर्तवली आहे.

छत्रपती संभाजी नगरमधील काही भागात विजांच्या कडकडाटासह हलक्या ते मध्यम मध्यम पावसाची शक्यता आहे. छत्रपती संभाजीनगरमध्ये कमाल तापमान 35 अंश सेल्सिअस तर किमान तापमान 24 अंश एवढं असेल.

छत्रपती संभाजीनगर, जालना, बीड, परभणी आणि हिंगोली जिल्ह्यांमध्ये तुरळक ठिकाणी विजांच्या कडकडाटासह हलका ते मध्यम पाऊस होऊ शकतो. लातूर, धाराशिव, नांदेड परिसरात काही ठिकाणी हलक्या पावसाची शक्यता आहे.

गेल्या चार-पाच दिवसांच्या तुलनेत मराठवाड्यात पावसाची तीव्रता अत्यंत कमी होणार आहे. यामुळे खरिपाच्या पेरणीवर देखील परिणाम होण्याची शक्यता आहे. शेतकऱ्यांनी आपल्या शेतामध्ये शंभर मिलिमीटरच्या आसपास पाऊस झाल्याशिवाय खरिपाची पेरणी करू नये, असं आवाहन कृषी विभागाकडून करण्यात आलं आहे.