सोशल मीडियावर शिवाजी महाराजांचं मंदिर पाहिलं, मंत्री दादा भुसे भिवंडीत राजांच्या चरणी नतमस्तक

नरेश पाटील, प्रतिनिधी, भिवंडी : भिवंडी तालुक्यातील मराडे पाडा येथील छत्रपती शिवाजी महाराजांच्या मंदिरास भेट देऊन महाराष्ट्र राज्याचे मंत्री दादा भुसे यांनी घेतले छत्रपती शिवाजी महाराजांचे दर्शन घेतले.

अनेक महिन्यापासून सोशल मीडियावर पाहिल्यानंतर या मंदिरात येऊन महाराजांचे दर्शन घेण्याची इच्छा होती. अतिशय भव्यदिव्य असा प्रकल्प असून महाराष्ट्रातील हे पहिलेच मंदिर असेल, असे दादा भुसे म्हणाले.

महाराजांचा आदर्श घेऊन आपण सर्व कार्यकर्ते काम करतो. या मंदिरात दर्शन घेतल्यानंतर प्रत्येकाला छत्रपती शिवाजी महाराजांच्या दर्शनाची अनुभूती आणि आशीर्वादाची प्रेरणा नक्कीच मिळेल, असेही भुसे म्हणाले.

मंदिराच्या लोकार्पण प्रसंगी मंदिराला जोडणारे सर्व रस्ते हे शिवभक्तांच्या प्रवासासाठी सुसज्ज असतील असे मुख्यमंत्री देवेंद्र फडणवीस यांनी वक्तव्य केले होते. परंतु आजपर्यंत लाखो शिवभक्तांना महाराजांच्या दर्शनासाठी येताना जीव धोक्यात घालून जीवघेणा प्रवास करावा लागत असल्याने शिवभक्तांच्या नाराजीबाबत प्रश्न केला विचारला असता, मंदिराच्या दिशेने प्रवास करीत असताना याविषयी चर्चा झाली असून , बीएमसीच्या रस्त्याची काँक्रिटीकरणाची निविदा, वर्क ऑर्डर झाली असून निश्चितपणे आम्ही त्याचा पाठपुरावा करू असे, भुसे यांनी आश्वस्त केले.

मालेगावच्या सत्तेच्या समीकरणाविषयी बोलताना भुसे म्हणाले, आताची जी काही आकडेवारी आहे. ती पाहता उद्या आम्ही सर्व पदाधिकारी बसणार आहोत. कशा पद्धतीने मार्गक्रमण करायचे याबाबत सर्व पदाधिकारी बसून निर्णय घेऊ, असे त्यांनी सांगितले.