मुन्ना विरुद्ध बंटी वाद पेटला,आंदोलक-पोलीस भिडले, गोकुळवरील मोर्चात तुफान राडा, पाहा PHOTO

गोकुळ दूध संघातील डिबेंचर कपातीच्या निर्णयाविरोधात असंतोष उसळला असून, दूध उत्पादक शेतकऱ्यांनी जनावरांसह गोकुळविरोधात जोरदार मोर्चा काढला आहे.

गोकुळ संघाकडून डिबेंचरमधील कपात १५ टक्क्यांवरून थेट ४० टक्क्यांपर्यंत वाढवल्याने शेतकऱ्यांचा आक्रोश वाढला आहे. “आमच्या डिबेंचरमधून करण्यात आलेली अतिरिक्त कपात तात्काळ परत मिळावी.” अशी मागणी शेतकऱ्यांनी केली आहे.

आंदोलनादरम्यान परिस्थिती चिघळली असून शेतकरी आणि पोलिसांमध्ये मोठा संघर्ष झाला. शेतकरी आपली जनावरे घेऊन थेट गोकुळच्या कार्यालयात जाण्याचा प्रयत्न करत असताना पोलिसांनी त्यांना अडवले, त्यावेळी दोन्ही बाजूंमध्ये झटापट झाली.

शेतकऱ्यांचे म्हणणे आहे की, कपात वाढवल्यामुळे केवळ त्यांचेच नव्हे तर संस्थेचेही आर्थिक नुकसान होत आहे.

हा मोर्चा गोकुळ दूध संघाच्या विरोधात नसून, शासन आणि प्रशासनाने घेतलेल्या निर्णयाविरोधात आहे.” असं मत संचालिका शौमिका महाडिक यांनी व्यक्त केले आहे.