'दिलात झापुक झुपुक' आणि कॅटबरी; उदयनराजे बसले शिवेंद्रराजेंच्या कारमध्ये, साताऱ्यात वारं बदललं!

महाराष्ट्रात विधानसभा निवडणुकीचे वारे वाहत आहे. लवकरच विधानसभा निवडणुकीचा कार्यक्रमही जाहीर होईल. सत्ताधारी आणि विरोधकांमध्ये जागावाटपावरून रस्सीखेच सुरू आहे. तर दुसरीकडे, साताऱ्यात भाजपचे खासदार उदयनराजे भोसले आणि आमदार शिवेंद्रराजे भोसले एकत्र पाहण्यास मिळाले आहे. विशेष म्हणजे, शिवेंद्रराजेंनी उदयनराजेंना कॅटबरी चॉकलेट भेट दिलं आहे. विशेष म्हणजे, दोन्ही राजेंनी कारमध्ये 'दिलात झापुक झुपुक वाजत राहतंय गं' गाणंही ऐकलं.

राज्यात सर्वत्र गणेशोत्सवाची धामधूम सुरू आहे. अनेक राजकीय नेत्यांच्या घरी गणराय विराजमान झाले आहे. अशातच आमदार शिवेंद्रराजे भोसले यांनी उदयनराजे यांच्या जलमंदिर पॅलेस येथील गणपती बाप्पाचं दर्शन घेतलं आहे.

आमदार शिवेंद्रराजे प्रथमच उदयनराजेंच्या जलमंदिर पॅलेसमध्ये आले होते. यावेळी उदयनराजेंनीही मोठ्या मनाने उदयनराजेंचं स्वागत केलं. यावेळी दोन्ही नेत्यांमध्ये गुप्त बैठक सुद्धा झाली. पण या बैठकीत काय चर्चा झाली, याची तपशील समोर आली नाही.

गणरायाची आरती झाल्यानंतर उदयनराजे भोसले हे स्वत: शिवेंद्रराजेंना सोडायला आले होते. यावेळी उदयनराजे हे शिवेंद्रराजेंच्या कारमध्ये बसले.

नुसते बसले नाहीतर शिवेंद्रराजे यांच्या कारचं स्टेरिंगही हाती घेतलं. त्याचबरोबर शिवेंद्रराजे यांनी उदयनराजे यांना कॅडबरी चॉकलेट भेट दिली.

. एवढंच नाहीतर शिवेंद्रराजे भोसले यांच्या गाडीमध्ये शिवेंद्रराजेंनी बिग बॉसमध्ये असलेल्या कन्टेस्टट सूरज चव्हाण याच्या 'झापुक झुपुक' डॉयलॉगवर असलेलं 'दिलात झापुक झुपुक वाजत राहतंय गं' हे गाणं उदयनराजेंना ऐकवलं. उदयनराजेंनीही गाणं ऐकलं आणि एकच हश्शा पिकली.