Gold Silver Price: 128155 रुपयांवर पोहोचलं सोनं, डिसेंबर अखेरपर्यंत काय असेल सोन्याचा भाव? खरेदी करावं की थांबावं?

सोन्याचे दर किंचित घसरले. मात्र, पुढील काळात सोन्याच्या किमती कोणत्या दिशेने जातील, याबाबत आंतरराष्ट्रीय तज्ज्ञांमध्ये मोठे मतभेद असल्याने गुंतवणूकदारांची द्विधा मनःस्थिती झाली आहे." width="1200" height="900" /> नोव्हेंबरचा शेवटचा आठवडा सोन्या-चांदीच्या गुंतवणूकदारांसाठी प्रचंड अस्थिर ठरताना दिसतोय. जागतिक स्तरावर प्रॉफिट बुकिंग आणि देशांतर्गत बाजारात खरेदीचा कल मंदावल्यामुळे २८ नोव्हेंबर रोजी सोन्याचे दर किंचित घसरले. मात्र, पुढील काळात सोन्याच्या किमती कोणत्या दिशेने जातील, याबाबत आंतरराष्ट्रीय तज्ज्ञांमध्ये मोठे मतभेद असल्याने गुंतवणूकदारांची द्विधा मनःस्थिती झाली आहे.

सध्या जागतिक बाजारातील कमकुवत कल आणि स्थानिक मागणीतील सुस्ती यामुळे सोन्याच्या दरात किरकोळ घसरण दिसून आली. २४ कॅरेट सोन्याचा भाव १० रुपयांनी घसरून १,२७,७४० रुपये प्रति १० ग्रॅम वर स्थिरावला. याउलट, औद्योगिक मागणीमुळे चांदीने मात्र १०० रुपयांची तेजी अनुभवली. मात्र, ही किरकोळ घसरण तात्पुरती असून, डिसेंबरमध्ये अमेरिकेच्या फेडरल रिझर्व्हकडून व्याजदरात कपात होण्याची मोठी शक्यता आहे.

गुंतवणूक विश्लेषकांच्या मते, अमेरिकेची मध्यवर्ती बँक फेडरल रिझर्व्हने जर व्याजदरात कपात केली, तर सोन्याचे दर वेगाने वाढू शकतात. कारण व्याजदर घटताच बाँड आणि इतर सरकारी रोखे कमी आकर्षक होतात. अशा वेळी मोठे गुंतवणूकदार आणि मध्यवर्ती बँका सुरक्षित गुंतवणूक म्हणून सोन्याकडे वळत आहेत.

या वाढलेल्या मागणीमुळे सोन्याचे दर विक्रमी पातळीवर जाण्याचा रॉबर्ट कियोसाकी यांच्यासारख्या दिग्गजांचा अंदाज आहे. रॉबर्ट कियोसाकी सोन्याच्या दरात तेजीचा अंदाज व्यक्त करत असताना, कमोडिटी तज्ज्ञ अजय केडिया यांनी यावर वेगळे मत मांडले आहे.

केडिया यांच्या मते, जर जागतिक स्तरावर शांतता आणि स्थिरता कायम राहिली, तर सोन्याचे भाव कोसळून १,०५,००० रुपये प्रति १० ग्रॅमपर्यंत खाली येऊ शकतात. त्यांच्या विश्लेषणानुसार, सोन्याचे दर तेव्हाच वाढतात, जेव्हा भू-राजकीय अस्थिरता वाढते आणि मध्यवर्ती बँका सुरक्षिततेसाठी सोन्याची खरेदी वाढवतात.

सोन्याच्या दरांवर आता भारत आणि अमेरिका यांच्यातील प्रस्तावित व्यापार कराराचाही मोठा परिणाम होणार आहे. जर दोन्ही देशांमध्ये व्यापार करार लवकरच अंतिम झाला आणि द्विपक्षीय संबंध मजबूत झाले, तर गुंतवणूकदार सोन्यातील सुरक्षित गुंतवणूक काढून घेतील.

सोन्यातील पैसा काढून तो शेअर बाजारासारख्या त्वरित परतावा देणाऱ्या पर्यायांमध्ये वळवला जाईल. ट्रेड डील झाल्यास सोन्याच्या सुरक्षित मागणीत मोठी घट होईल आणि किमतीत नरमाई येण्याची शक्यता आहे.