Affordable Homes : मेट्रो सिटीची बिकट अवस्था! या शहरात मुंबईपेक्षा 75 टक्के कमी किंमतीमध्ये मिळताय लक्झरी फ्लॅट्स, कारण काय?

जिथे देशभरात लक्झरी घरांचे दर सतत वाढत आहेत, तिथे कोलकाता मात्र या रिअल इस्टेट शर्यतीत अगदी वेगळा आणि किफायतशीर पर्याय ठरत आहे.

प्रमुख मेट्रो शहरांमध्ये जिथे प्रीमियम घरे सामान्य ग्राहकांच्या आवाक्याबाहेर जात आहेत, तिथे कोलकातामध्ये रिअल इस्टेट गुंतवणूकदारांसाठी अविश्वसनीयरीत्या किफायतशीर बाजार म्हणून समोर येत आहे.

प्रॉपर्टी कन्सल्टंट कंपनी एनारॉक यांच्या ताज्या अहवालात हे चित्र स्पष्ट झाले आहे. भारतातील टॉप 7 मेट्रो शहरांमध्ये लक्झरी घरांच्या दरांत तब्बल मोठी वाढ नोंदवली गेली असली, तरी कोलकाता या रेसमध्ये सर्वांत स्थिर आणि स्वस्त बाजार ठरला आहे.

या अहवालानुसार 2025 मध्ये कोलकात्यात 1.5 कोटी रुपयांपेक्षा अधिक किंमतीच्या प्रीमियम घरांचे सरासरी दर फक्त 14,200 रुपये प्रति चौ. फू. इतके आहेत. हे दर मुंबईच्या तुलनेत सुमारे एक-तृतीयांशपेक्षा कमी आहेत.

दिल्ली-एनसीआर 21,300 रुपये/चौ. फू.आणि बेंगळुरू 16,700 रुपये/चौ. फू.या मोठ्या बाजारांपेक्षा कोलकात्यातील लक्झरी घरांची किंमत खूपच परवडणारी आहे. हैदराबाद हा एकमेव शहर असून, येथे दर कोलकात्याच्या स्तरावर 14,200 रुपये आहेत, पण तेथील किंमतींमध्ये वाढीचा वेग कोलकात्यापेक्षा जास्त आहे.

एनारॉकचे चेअरमन अरुण पुरी यांच्या मते 2022 ते 2025 या तीन वर्षांत देशभरातील लक्झरी घरांच्या किमतींमध्ये सरासरी 40 टक्क्यांची वाढ झाली आहे. त्यातही NCR मध्ये तब्बल 72 टक्क्यांपर्यंत वाढ नोंदवली गेली आहे.

मात्र, कोलकात्यात 2022–2025 या कालावधीत लक्झरी सेगमेंटमध्ये फक्त 20 टक्के वाढ झाली आहे. टॉप 7 शहरांच्या तुलनेत ही सर्वांत कमी वाढ असल्याने कोलकाता लक्झरी घरांसाठी देशातील सर्वात परवडणारी आणि स्थिर बाजारपेठ ठरत आहे.