पश्चिम महाराष्ट्रात आज पाऊस होणार का? सांगली, साताऱ्याबाबत महत्त्वाचं अपडेट

राज्यात गेल्या काही दिवसांपासून पावसाने काहीशी उघडीप दिली आहे. पश्चिम महाराष्ट्रातही जोर कमीच राहिला. आज, 19 सप्टेंबर रोजी पश्चिम महाराष्ट्रातील काही ठिकाणी हलक्या ते मध्यम स्वरुपाच्या पावसाची शक्यता आहे.

पुणे जिल्ह्यात आज ढगाळ वातावरण राहणार असून ऊन सावलीचा खेळ पाहायला मिळेल. सायंकाळी ढग दाटून येतील आणि काही ठिकाणी हलक्या पावसाची शक्यता आहे. पुण्यात 27 अंश कमाल तर 21 अंश सेल्सिअस किमान तापमान असेल.

सातारा जिल्ह्यात देखील पावसाने उघडीप दिली असून महाबळेश्वर, वाई, कराड या ठिकाणी तुरळक पावसाची शक्यता हवामान विभागाने वर्तवली आहे. साताऱ्यात 25 अंश कमाल तर 20 अंश किमान तापमान असेल.

कोल्हापूर जिल्ह्यातील शाहूवाडी, पन्हाळा, हातकणंगले, शिरोळ, करवीर, गगनबावडा, राधानगरी, कागल या तालुक्यांमध्ये मध्यम स्वरूपाच्या पावसाची शक्यता वर्तवण्यात आली आहे. कोल्हापुरात 28 अंश कमाल तर 21 अंश सेल्सिअस किमान तापमान असेल.

सांगली जिल्ह्यातील काही भागात आज दमदार पावसाची शक्यता आहे. मिरज आणि कुपवाड या ठिकाणी जोरदार पाऊस कोसळेल असा अंदाज हवामान विभागाने वर्तवला आहे. सांगली मध्ये 26 अंश कमाल तर 20 अंश सेल्सिअस किमान तापमान असेल.

सोलापूरमध्ये आज ढगाळ वातावरण राहणार आहे. जिल्ह्यातील उत्तर सोलापूर, दक्षिण सोलापूर, मोहोळ व करमाळ्यात पावसाची शक्यता आहे. तर 29 अंश कमाल आणि 22 अंश सेल्सिअस किमान तापमान असले. दरम्यान, पश्चिम महाराष्ट्रातील एकंदरीत पावसाच्या स्थितीचा विचार करता काही ठिकाणी उन्ह तर कुठे हलक्या ते मध्यम स्वरुपाच्या पावसाची शक्यता आहे.