तो गेला अन् ती आली! पश्चिम महाराष्ट्रातील हवामानात मोठा बदल, पाहा आजचं अपडेट

गेल्या काही दिवासंपूसन पुण्यात जोरदार पाऊस होत होता. आता पावसाने माघार घेतली आहे. पुणे व आजू बाजूच्या परिसरात आज आकाश ढगाळ राहणार आहे. आज पुण्यात 32 अंश सेल्सीअस कमाल तर 19 अंश सेल्सीअस किमान तापमान असेल.

सातारा जिल्ह्यातील अनेक भागात आज वातावरण ढगाळ राहणार आहे. पश्चिमेकडील पाटण, महाबळेश्वर, जावळी, सातारा, कऱ्हाड, वाई तालुक्यांत अनेक ठिकाणी थंडी जाणवण्यास सुरुवात झाली आहे. साताऱ्यात आज 31 अंश कमाल तर 18 अंश सेल्सिअस किमान तापमान असेल.

सांगली जिल्ह्यात आज पावसाने विश्रांती घेतलीये. आज पावसाची शक्यता नाही मात्र आकाश अंशत: ढगाळ राहण्याची शक्यता आहे. सांगलीत आज 32 अंश सेल्सिअस कमाल तर 19 अंश सेल्सिअस किमान तापमान असेल.

कोल्हापूर जिल्ह्यात देखील पावसानं काहीशी विश्रांती घेतल्याचं चित्र आहे. आज थंडी जाणवत असून पहाटे धुके पडले होते. आकाश काही प्रमाणात ढगाळ राहणार आहे. कोल्हापूर मध्ये आज 31 अंश सेल्सीअस कमाल तर 19 अंश सेल्सीअस किमान तापमान असेल.

सोलापूर शहर व जिल्ह्यात आज आकाश ढगाळ राहणार आहे. जिल्ह्यात ऊन, ढगाळ हवामान अन् थंडी असं विचित्र वातावरण जाणवत आहे. सोलापूर मध्ये आज 33 अंश सेल्सिअस कमाल तर 20 अंश सेल्सिअस किमान तापमान असेल.