आज पुन्हा पावसाची शक्यता? पश्चिम महाराष्ट्रातील हवामानाबाबत महत्त्वाचं अपडेट

गेल्या काही दिवसांपासून राज्यातील थंडीचा जोर पुन्हा कमी झाला आहे. तर दक्षिण मध्य महाराष्ट्र आणि कोकणात पुन्हा पाऊस होतोय. पुणे जिल्ह्यात आज आकाश अंशत: ढगाळ राहणार आहे. तर आज कमाल तापमान 32 अंश सेल्सिअस आणि 22 अंश सेल्सिअस किमान तापमान असेल.

मागील 2 दिवस साताऱ्यातील काही भागात पाऊस झाला. आज देखील काही ठिकाणी वातावरण ढगाळ राहणार आहे. तर जिल्ह्यात 31 अंश सेल्सिअस कमाल आणि 20 अंश सेल्सिअस किमान तापमान असेल.

सांगली जिल्ह्यात देखील पावसानं हजेरी लावली होती. आज पुन्हा काही ठिकाणी ढगाळ वातावरण राहण्याची शक्यता आहे. तापमान वाढलं असून कमाल 32 तर किमान 22 अंश सेल्सिअस तापमान असेल.

कोल्हापूर जिल्ह्यात वातावरणात बदल झाला असून ढगाळ राहणार आहे. शुक्रवारी जिल्ह्यातील काही भागात हलक्या पावसाने हजेरी लावली. आज 30 अंश सेल्सिअस कमाल तर 21 अंश सेल्सिअस किमान तापमान असेल. पुढील 2 दिवसांत थंडीची तीव्रता वाढण्याची शक्यता आहे.