पश्चिम महाराष्ट्रात थंडीची हुडहुडी, तापमानात झाली घट, हवामान अपडेट पाहिलं का?

दिवाळीनंतर पश्चिम महाराष्ट्रात थंडीची तीव्रता वाढत आहे. आज बहुतांश जिल्ह्यात कमाल आणि किमान तापमानात मोठा फरक दिसत आहे.

पुणे जिल्ह्यात वातावरण बहुतांश ढगाळ राहणार आहे. आज पुण्यात 31 अंश सेल्सीअस कमाल तर 18 अंश सेल्सीअस किमान तापमान राहणार असून 1 अंश सेल्सीअस किमान आणि कमाल तापमानात घट झाली आहे.

सांगली जिल्ह्यात आज वातावरण बदलेल पाहिला मिळत असून सूर्यप्रकाशित राहणार आहे. सांगली जिल्ह्यात आज 31 अंश सेल्सीअस कमाल तर 19 अंश सेल्सीअस किमान तापमान असेल. तर 1 अंश सेल्सीअस तापमानात घट झाली आहे.

कोल्हापूर जिल्ह्यात आज आकाश निरभ्र राहणार आहे. तर सकाळी धुक्याची चादर पसरण्यास सुरुवात झाली आहे. आज 31 अंश सेल्सीअस कमाल तर 18 अंश सेल्सीअस किमान तापमान असेल.

सोलापूर जिल्ह्यात आज वातावरण सूर्यप्रकाशित राहण्याची शक्यता आहे. तर काहीसा उकाडा जाणवणार आहे. आज 33 अंश सेल्सीअस कमाल तर 20 अंश सेल्सीअस किमान तापमान असेल.