Weather Alert: वारं फिरलं! ऐन दिवाळीत धो धो पाऊस, पश्चिम महाराष्ट्रातील या जिल्ह्यांना अलर्ट

मान्सूनने माघार घेतली असली तरी राज्यातील काही भागात ऐन दिवाळीत खराखुरा पाऊस बरसतोय. आज 18 ऑक्टोबर रोजी कोकण, मध्य महाराष्ट्र आणि मराठवाड्यात तुरळक ठिकाणी विजांसह पावसाची शक्यता आहे. तर उर्वरित राज्यात उन्हाचा चटका कायम राहण्याचा अंदाज आहे.

पुणे जिल्ह्यात शुक्रवारी 32.9 अंश सेल्सिअस कमाल तापमानाची नोंद झाली. आज पुणे जिल्ह्यात विजांसह पावसाचा अंदाज हवामान विभागाने व्यक्त केला आहे. यावेळी कमाल तापमानाचा पारा 33 अंशावर राहील. कमाल तापमानात अंशत वाढ होऊन विजांसह पावसाची शक्यता आहे.

मागील 24 तासात सातारा जिल्ह्यातील कमाल तापमान 32.9 अंश सेल्सिअस इतके राहीले. आज संपूर्ण साताऱ्यासह घाटमाथ्यावर विजांसह पावसाची शक्यता असल्याने सतर्कतेचा यलो अलर्ट आहे. यावेळी कमाल तापमानाचा पारा 32 अंशावर राहील.

कोल्हापूर जिल्ह्यात काल शुक्रवारी 32.5 अंश सेल्सिअस तापमानाची नोंद झाली. पुढील 24 तासात कोल्हापूरसह घाटमाथ्यावर विजांसह पावसाची शक्यता असल्याने दक्षतेचा इशारा आयएमडी कडून देण्यात आला आहे. यावेळी कमाल तापमान 32.5 अंश सेल्सिअस इतके राहील.

शुक्रवारी सोलापूर जिल्ह्यात 35.1 अंश सेल्सिअस कमाल तापमानाची नोंद झाली. आज सोलापूर जिल्ह्यात विजांसह पावसाची शक्यता आहे. यावेळी कमाल तापमान 35 अंशावर राहील.

सांगली जिल्ह्यात मागील 24 तासात 33.2 अंश सेल्सिअस तापमानाची नोंद झाली. आज जिल्ह्यात विजांसह पावसाची शक्यता वर्तवण्यात आली आहे. यावेळी पारा 32 अंशावर राहण्याचा अंदाज हवामान विभागाकडून वर्तवण्यात आला आहे. 

आज संपूर्ण पश्चिम महाराष्ट्रात विजांसह पावसाची शक्यता वर्तवण्यात आली आहे. तसेच उर्वरित राज्यात तुरळक ठिकाणी विजांसह पावसाचा अंदाज वर्तवण्यात आला आहे. कमाल तापमान 30 अंशावर राहत असून पश्चिम महाराष्ट्रात विजांसह पावसाला पोषक हवामान आहे.