Raw Egg & Milk : दुधात कच्चे अंडे घालून पिणे सुरक्षित आहे का? याने खरंच मसल्स तयार होण्यास मदत होते?

तुम्हाला वजन वाढवायचे असेल किंवा स्नायू मजबूत करायचे असतील, तर हे पेय फायदेशीर ठरू शकते. मात्र स्वच्छता आणि योग्य पद्धत पाळणे अत्यंत महत्त्वाचे आहे. चला तर जाणून घेऊया याचे फायदे आणि सेवन कसे करावे.

दुधात अंडे घातल्याने शरीराला अधिक प्रोटीन मिळते. हे स्नायू मजबूत करण्यास आणि खराब झालेल्या पेशी दुरुस्त करण्यास मदत करते. व्यायाम करणाऱ्यांसाठी हे अतिशय फायदेशीर आहे.

हाडांची मजबुती : दुधात कॅल्शियम असते तर अंड्यात व्हिटॅमिन डी असते. व्हिटॅमिन डी शरीराला कॅल्शियम अधिक चांगल्या प्रकारे शोषून घेण्यास मदत करते. यामुळे हाडे मजबूत होतात आणि सांधेदुखीमध्येही आराम मिळतो.

ऊर्जा वाढवण्यास मदत करते : अंड्यात ओमेगा-3 फॅटी अॅसिड्स आणि व्हिटॅमिन बी-12 असते. हे दुधातील पोषक घटकांसोबत मिळून दिवसभर ऊर्जा पुरवतात. कमजोरी जाणवणाऱ्या लोकांसाठी हे मिश्रण फायदेशीर ठरू शकते.

केस आणि त्वचेसाठी फायदे : जर तुम्हाला दीर्घकाळापासून केस आणि त्वचेच्या समस्या जाणवत असतील तर हे मिश्रण मदत करू शकते. अंड्यातील बायोटिन आणि दुधातील झिंक केसांच्या वाढीस प्रोत्साहन देतात. यामुळे त्वचेला नैसर्गिक चमकही मिळते.

महत्त्वाच्या खबरदारी : कच्च्या अंड्यात सॅल्मोनेला नावाचा जीवाणू असू शकतो, जो फूड पॉइझनिंगचे कारण ठरू शकतो. त्यामुळे दूध नीट गरम करा आणि त्यानंतरच अंडे घाला, जेणेकरून जीवाणू नष्ट होतील.

पचनाच्या समस्या : प्रत्येक व्यक्तीची पचनशक्ती वेगवेगळी असते. त्यामुळे कोईणत्याही पदार्थाचे सेवन करण्यापूर्वी काळजी घेणे आवश्यक आहे. उपाय नैसर्गिक असला तरी सुरुवात कमी प्रमाणात करा. कोणतेही नकारात्मक परिणाम दिसत नसतील तर प्रमाण वाढवा. काही त्रास जाणवल्यास डॉक्टरांचा सल्ला घ्या.

स्वच्छता महत्त्वाची : अंडी आणि दूध हे प्राणिजन्य पदार्थ आहेत, त्यामुळे योग्य प्रकारे स्वच्छता न पाळल्यास ते गंभीर आरोग्य समस्यांचे कारण ठरू शकतात. अंडे फोडण्यापूर्वी त्याचे कवच नीट धुवा, जेणेकरून बाहेरील घाण दुधात जाणार नाही. तसेच दूध वापरण्यापूर्वी नीट उकळून घ्या. जर दूध पॅक केलेले असेल, तर ते नीट उकळण्याची गरज नसते.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.