प्रचंड फुडी आहेत जया किशोरी, आवडतात विदर्भातील हे चमचमीत पदार्थ; ऐकूनच तोंडाला पाणी सुटेल

प्रसिद्ध कथावाचक जया किशोरी अनेकांच्या मार्गदर्शक आहेत. त्यांचे लाखो फॉलोअर्स आहेत आणि त्या अनेकांसाठी प्रेरणास्थान आहेत. जीवन कस जगावं, सुख कस मिळवावं या विषयी त्या वारंवार माहिती देतात.

जया किशोरी नेहमीच त्यांच्या सौम्य वाणीतून अनेकांना प्रेरित करतात आणि त्यांच्या मधुर वाणीमुळे अनेक गोष्टी व्यक्तींना मार्गदर्शन करतात. आध्यात्मिक गुरु जया किशोरी आपल्या वेगवेगळ्या व्हिडीओंमुळे नेहमीच चर्चेच असतात. कधी त्या एखादा उपदेश करताना दिसतात, तर कधी आयुष्य जगण्याची कला शिकवताना दिसतात.

जया किशोरी या स्वत:ला एक सामान्य मुलगी म्हणवतात. नुकत्याच दिलेल्या एका मुलाखतीत त्यांनी त्यांच महाराष्ट्रावर असलेलं प्रेम आणि काही त्यांना खायला आवडणाऱ्या पदार्थांबाबत खुलासा केला.

जया किशोरी यांचं आजोळ महाराष्ट्र असल्याचं त्यांनी सांगितलं. जया किशोरी यांच्या आई वडिलांचं लग्न झाल्यानंतर महाराष्ट्राची संस्कृती आणि आवडत आपसूकच रुजल्याच त्यांनी सांगितलं. त्यांची आई मूळची नागपुरातील कामठी इथली आहे. त्यामुळे त्यांना इथले पदार्थही तितकेच आवडतात असं त्या म्हणाल्या. त्यांनी सांगितलं की, मला बेसन भात फार आवडतो.

महाराष्ट्रातील घराघरात प्रसिद्ध असलेला एक नाश्ता म्हणजे पोहे. जया किशोरींनी खुलासा केला की त्यांच्या आवडीच्या पदार्थांमधील पोहे हा एक पदार्थ आहे.

झणझणीत उसळ ही महाराष्ट्राची खासियत आहे.जया किशोरींनी त्यांना आवडणाऱ्या पदार्थांच्या यादीत उसळचाही उल्लेख केला.

आलू बोंडा हा पदार्थ अनेकांना माहिती असेलच, याचाही उल्लेख जया किशोरींनी त्यांनी दिलेल्या मुलाखतीत केला आहे.