त्रिपुरारी पौर्णिमेला लक्ष दिव्यांचा उत्सव, श्रीमंत दगडूशेठ गणपती मंदिराचं मनोहरी दृश्य

दिवाळीनंतर येणाऱ्या त्रिपुरारी पौर्णिमेला हिंदू धर्मात मोठं धार्मिक महत्त्व आहे.

त्यामुळे या दिवशी देशभरातील मंदिरात विविध धार्मिक कार्यक्रमांचे आयोजन करण्यात येते.

पुणे येथील श्रीमंत दगडूशेठ गणपती मंदिरातही धार्मिक कार्यक्रम करण्यात आले तसेच बाप्पाला महानैवद्य दाखवण्यात आला.

मंदिराच्या कळसापासून ते गाभाऱ्यापर्यंत लावण्यात आलेल्या एक लाख दिव्यांनी श्रीमंत दगडूशेठ हलवाई गणपती मंदिराचा परिसर उजळून गेला.

श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळातर्फे त्रिपुरारी पौर्णिमेनिमित्त मंदिरात दीपोत्सवाचे आयोजन करण्यात आले होते.

यावेळी मंदिराचे विश्वस्त, पदाधिकारी व कार्यकर्ते उपस्थित होते.

दीपोत्सवाचे मनोहारी दृश्य डोळ्यामध्ये साठविण्यासोबतच मोबाईल कॅमे-यामध्ये कैद करण्यासाठी पुणेकरांनी मोठी गर्दी केली.