T20 World Cup : अमेरिकेत कसे होणार भारताचे सामने? कधी, कुणासोबत भिडणार, खास HD वेळापत्रक Photos

2 जून पासून आयसीसी टी 20 वर्ल्ड कप 2024 ला सुरुवात होणार आहे. या स्पर्धेत यंदा 20 संघानी सहभाग घेतला असून यात भारत, पाकिस्तान, आयर्लंड, कॅनडा, यूएसए, इंग्लंड ऑस्ट्रेलिया, नामिबीया, स्कॉटलंड, ओमन, न्यूझीलंड, वेस्ट इंडिज,अफगाणिस्तान, युगांडा, पापुआ न्यू गिनी, साऊथ आफ्रिका, श्रीलंका, बांगलादेश, नेदरलँड आणि नेपाल या संघांचा समावेश आहे. यंदा टी 20 वर्ल्ड कपमध्ये एकूण 55 सामने खेळवले जातील.

वर्ल्ड कपच्या ग्रुप स्टेज सामन्यांकरीता 4 ग्रुप तयार करण्यात आले आहेत जे ग्रुप ए, ग्रुप बी, ग्रुप सी आणि ग्रुप डी असे आहेत. ग्रुप ए मध्ये भारत, पाकिस्तान, आयर्लंड, कॅनडा, यूएसए यांचा समावेश आहे.

टीम इंडियाचा पहिला सामना हा 5 जून रोजी भारत विरुद्ध आयर्लंड यांच्यात पार पडेल. अमेरिकेच्या न्यूयॉर्क शहरातील स्टेडियमवर हा सामना खेळवला जाणार असून बुधवार 5 जून रोजी भारतीय प्रमाणवेळेनुसार रात्री 8 वाजता सुरु होईल. या सामन्यात टीम इंडियाचा पारडं अधिक जड असेल.

टीम इंडियाचा दुसरा ग्रुप स्टेज सामना हा रविवार 9 जून रोजी भारत विरुद्ध पाकिस्तान यांच्यात पार पडेल. अमेरिकेच्या न्यूयॉर्क शहरातील स्टेडियमवर हा सामना खेळवला जाणार असून भारतीय प्रमाणवेळेनुसार रात्री 8 वाजता सुरु होईल.

टीम इंडियाचा तिसरा ग्रुप स्टेज सामना हा बुधवारी 12 जून रोजी भारत विरुद्ध यूएसए यांच्यात पार पडेल. अमेरिकेच्या न्यूयॉर्क शहरातील स्टेडियमवर हा सामना खेळवला जाणार असून भारतीय प्रमाणवेळेनुसार रात्री 8 वाजता सुरु होईल.

टीम इंडियाचा चौथा ग्रुप स्टेज सामना हा शनिवार 15 जून रोजी भारत विरुद्ध कॅनडा यांच्यात पार पडेल. अमेरिकेच्या लॉडरहिल शहरातील स्टेडियमवर हा सामना खेळवला जाणार असून भारतीय प्रमाणवेळेनुसार रात्री 8 वाजता सुरु होईल.

वर्ल्ड कप 2024 स्पर्धेचा पहिला सेमी फायनल सामना हा 26 जून रोजी पार पडेल तर दुसरा सेमी फायनल सामना हा 27 जून रोजी त्रिनिदाद आणि टोबॅगो येथे खेळवला जाईल. तर फायनल सामना हा बार्बाडोस येथे 29 जून रोजी होईल.