वयाच्या 38व्या वर्षी विराट सुसाट, Gen Z रिटायरमेंट प्लान करतात, त्या वयात कोहलीने केले 3 वर्ल्ड रेकॉर्ड!

विराटने आंतरराष्ट्रीय क्रिकेटमध्ये 28 हजार रन पूर्ण केले आहेत, याचसोबत त्याने महान क्रिकेटपटू सचिन तेंडुलकरचा विक्रमही मोडला आहे. 28 हजार रन पूर्ण करण्यासाठी विराटला सगळ्यात कमी इनिंग लागल्या आहेत.

विराटने फोर मारून विराटने हा रेकॉर्ड त्याच्या नावावर केला. न्यूझीलंडविरुद्धच्या सामन्याआधी विराटला 28 हजार रन पूर्ण करायला 25 रनची गरज होती.

आंतरराष्ट्रीय क्रिकेटमध्ये 28 हजार रन करणारा विराट कोहली हा जगातला तिसरा क्रिकेटपटू बनला आहे. याआधी सचिन तेंडुलकर आणि श्रीलंकेच्या कुमार संगकाराने हे रेकॉर्ड केलं आहे.

विराट कोहलीने त्याच्या 624 व्या इनिंगमध्ये 28 हजार रन पूर्ण केले आहेत. सचिनला हा टप्पा गाठण्यासाठी 644 इनिंग तर कुमार संगकाराला 666 इनिंग लागल्या होत्या.

विराट कोहली आंतरराष्ट्रीय क्रिकेटमध्ये सर्वाधिक रन करणारा दुसरा खेळाडूही बनला आहे. न्यूझीलंडविरुद्धच्या पहिल्या वनडे सामन्यात 42 रन करताच विराटने संगकाराला मागे टाकलं. संगकाराच्या नावावर आंतरराष्ट्रीय क्रिकेटमध्ये 28,016 रन आहेत.

आंतरराष्ट्रीय क्रिकेटमध्ये सर्वाधिक रनचा विक्रम सचिन तेंडुलकरच्या नावावर आहे. विराटने टेस्ट क्रिकेटमध्ये 123 सामन्यांमध्ये 9,230 रन केल्या आहेत, याशिवाय त्याच्या नावावर 125 टी-20 आंतरराष्ट्रीय सामन्यांमध्ये 4,188 रन आहेत.

न्यूझीलंडविरुद्धच्या सीरिजआधी विराटच्या नावावर 556 आंतरराष्ट्रीय सामन्यांच्या 623 इनिंगमध्ये 52.58 च्या सरासरीने 27,975 रन होते. यात त्याने 84 शतकं आणि 145 अर्धशतकंही ठोकली आहेत.

विराट कोहलीने मागच्या 5 सामन्यांमध्ये 2 शतकं आणि 3 अर्धशतकं ठोकली आहेत.