एअर हॉस्टेस बिलकुल पित नाहीत विमानातील चहा-कॉफी, कारण समजलं तर तुम्ही प्लेनमध्ये पाणीही पिणार नाही

तुम्ही विमानात असतानाचा तो क्षण आठवा. एक एअरहोस्टेस तुमच्या सीटजवळ येते आणि गोड स्माईल देऊन अतिशय नम्रतेने विचारते, सर! तुम्हाला चहा की कॉफी काय आवडेल? तुम्हीही तुम्हाला जे हवं ते सांगता आणि अगदी स्टाईलमध्ये ड्रिंक करता. पण तुम्हाला माहिती आहे का की ज्या एअर हॉस्टेसने तुम्हाला आनंदाने चहा किंवा कॉफी दिली ती स्वतः विमानातील तो चहा किंवा कॉफी पित नाही.

कितीही अडचण असली, समस्या असली तरी एअरहॉस्टेस विमानातील चहा किंवा कॉफी पित नाहीत. एअरहोस्टेस सिएरा मिस्टने याबाबत एक मोठा खुलासा केला आहे.

सिएरा फक्त एका परदेशी एअरलाइनची क्रू मेंबर नाही तर सोशल मीडिया सेलिब्रिटी आहे.  जेव्हा जेव्हा सिएराला संधी मिळते तेव्हा ती फ्लाइटच्या सीक्रेटशी संबंधित व्हिडिओ बनवत राहते. अलीकडेच तिने विमानात उपलब्ध असलेल्या चहा-कॉफीवर एक व्हिडिओ बनवला.

व्हिडिओमध्ये सिएराने स्वतः खुलासा केला आहे की एअर हॉस्टेस उड्डाणादरम्यान विमानात चहा-कॉफी पिणं टाळतात. याचं कारण आहे विमानात पाणी साठवलं जातं ती जागा. या साठवलेल्या पाण्यापासून प्रवाशांसाठी चहा किंवा कॉफी तयार केली जाते.

तिनं सांगितलं, विमानातील पाण्याची टाकी वर्षानुवर्षे स्वच्छ केली जात नाही, म्हणून कोणतीही एअर हॉस्टेस विमानात चहा किंवा कॉफी पिऊन तिचे आरोग्य खराब करू इच्छित नाही.

सिएरा मिस्टने तिच्या व्हिडिओमध्ये पुढे म्हटलं आहे की, विमान कंपन्या नियमितपणे पाण्याची गुणवत्ता तपासण्याबद्दल बोलत असल्या तरी सत्य हे आहे की जोपर्यंत त्यांना पाण्याच्या टाकीत काही सापडत नाही तोपर्यंत ते स्वच्छ करण्याची तसदी घेत नाहीत.

अशा परिस्थितीत जर सिएरा मिस्टचा दावा खरा असेल तर विमानात चहा किंवा कॉफी पिण्यापूर्वी एकदा विचार करा.