फिरायला गेलं होतं कपल; रस्त्यात दिसलं असं काही बायको नवर्‍यालाही सोडून पळाली

पावसाळ्यात बरेच लोक डोंगराळ भागात फिरायला जातात. असंच एका डोंगरावर फिरायला गेलेलं अमेरिकेतील कपल. ज्यांना रस्त्यात असं काही सापडलं जे भयानक होतं. ती एक बाहुली होती. (प्रतीकात्मक फोटो)

Reddit या सोशल मीडिया प्लॅटफॉर्मवर r/weird ग्रुपवर एका व्यक्तीने त्याचा आणि त्याच्या पत्नीचा हा अनुभव सांगितला आहे. सोबत त्या बाहुलीचा फोटोही शेअर केला आहे.

व्यक्तीने सांगितलं, आम्ही उत्तर अमेरिकेतील रॉकी पर्वतावर फिरायला गेलो होतो. रस्त्यात एक बाहुली पडलेली दिसली. बाहुलीला लाल मेण लावलं होतं. तिचं विटंबनही करण्यात आलं होतं. एक पाय मुद्दाम जाळाल्याचं दिसून आलं. ती नुकतीच तिथं फेकल्यासारखी दिसत होती.

व्यक्तीने आपल्याला ही बाहुली घरी घेऊन जायची होती, पण त्याच्या पत्नीने त्याला सक्त नकार दिल्याचं म्हटलं. बाहुली पाहून बायकोला घाम फुटला.  हातात बाहुली पकडलेल्या नवर्‍या पासूनही ती दूर पळू लागली, जणू तिला भूत दिसलं. व्यक्तीने सांगितलं,  मला ती माझ्यासोबत घरी घेऊन जायची होती, पण माझी पत्नी घाबरली आणि स्पष्टपणे म्हणाली ती बाहुली कोणत्याही किमतीत घरी घेऊन जाणार नाही.

या पोस्टवर लोकांनी कमेंट करत ही वूडू डॉल असल्याचं सांगितलं. काळी जादू करण्यासाठी या बाहुल्या वापरल्या जातात. बाहुलीला माणूस समजून तिच्यावर जादू केली जाते, त्याचा परिणाम माणसावरही दिसून येतो, असं मानलं जातं. या बाहुलीवर सुया टोचल्या जातात किंवा विविध प्रकारची जादू केली जाते.  लोक म्हणाले की त्याला घरी घेऊन जाणे ही सर्वात मोठी चूक असेल. पत्नीने घेतलेल्या निर्णयाला अनेकांनी समर्थन दिले.