ओसाड ठिकाण, 20 वर्षे बंद कारखाना! आत गेली व्यक्ती आणि दिसलं असं काही प्रत्येक जण थक्क

एखादं घर असो, हॉटेल असो वा कंपनी, कारखाना... ते कित्येक वर्षे बंद असेल तर तिथं जाण्याची हिंमत अनेकांची होत नाही. असाच एक बंद कारखाना. जो तब्बल 20 वर्षांपासून बंद होता. एक व्यक्ती या कारखान्याजवळ गेली, तिने त्याचा दरवाजा उघडला आणि आतील दृश्य पाहून सगळे थक्क झाले आहेत.

सोशल मीडियावर एका शहरी संशोधकाने वीस वर्षांपासून बंद असलेल्या एका कारखान्याच्या आतील एक झलक शेअर केली. वीस वर्षांपासून बंद असलेल्या कारखान्यातील फोटो लोकांना आश्चर्यचकित करत आहेत. या कारखान्यात एकेकाळी कार्बोनेटेड सोडा तयार केला जात असे, परंतु तो वर्षानुवर्षे बंद होता.

त्या माणसाने आत जाऊन परिस्थिती लोकांसोबत शेअर केली. त्या माणसाने कारखान्याच्या कंट्रोल रूमची झलक दाखवली. त्यात कॉम्प्युटर, कीबोर्ड, सूचना पुस्तके, कागदपत्रे, तसंच टेबल आणि खुर्च्या होत्या. धुळीचा जाड थर वगळता सर्व काही जसंच्या तसं व्यवस्थित लावलेलं होतं.

कंट्रोल रूममधील मशीन्सकडे पाहून असं वाटलं की आपण डिजिटलपूर्व युगात परतलो आहोत. सर्व मशीनरी जुन्या पद्धतीची होती. 1990 च्या दशकात राहणाऱ्यांना आपलेपणाची भावना जाणवली.

कारखान्याच्या बाहेरील भागाचे फोटो देखील शेअर केले गेले. त्यांनी कारखान्यात माल आणणारे रेल्वे ट्रॅक दाखवले. कारखान्याच्या बाहेर पाईपची एक रांग दिसत होती. कारखाना अनेक वर्षांपासून बंद असल्याने लोकांना तिथं असं काही अस्तित्वात आहे याची कल्पना नव्हती. जेव्हा एखादा गेस्ट यायचा तेव्हा तो आश्चर्यचकित व्हायचा. आतील गोष्टी त्याला वीस वर्षांपूर्वीच्या काळाची आठवण करून देत होत्या, जेव्हा ब्लॅक अँट व्हाईट टीव्ही, रंगीत फोन आणि प्रिंटिंग मशीन होत्या.

या ठिकाणी पोहोचण्यासाठी  संशोधकाला जंगलं, दलदल आणि ओसाड जमीन ओलांडावी लागली. आता हा कारखाना कुठे आहे? तर यूकेमधील एका दुर्गम ठिकाणी आहे. अनेकांनी त्याचा पत्ता विचारला, परंतु संशोधकाने तो पूर्णपणे गुप्त ठेवला. नेमकं स्थान उघड केलं नाही.

लॉकडाऊन दरम्यान शहरी संशोधकांचा शोध वाढला आहे. त्या काळात अनेकांनी अशा निर्जन ठिकाणांचा शोध घेतला आणि त्यांना सोशल मीडियावर प्रसिद्ध केले. पण जास्त लोक तिथं पोहोचू नयेत म्हणून हे ठिकाण गुप्त ठेवण्याचा प्रयत्न केला जातो. यामुळे त्याची सत्यता हरवते.