गर्लफ्रेंड पटवण्यासाठी भूकंप! पठ्ठ्या फक्त एक थाप मारतो आणि धरती हलवून टाकतो

आपल्या आवडत्या व्यक्तीला आपल्याकडे आकर्षिक करण्यासाठी लोक काय काय नाही करत. तरुणीला पटवण्यासाठी तरुण वेगवेगळे फंड आजमवतात. पण कधी कुणी यासाठी भूकंप घडवून आणल्याचं तुम्ही ऐकलं तरी होतं का?

पृथ्वीच्या आत अशा काही हालचाली होतात ज्यामुळे धरतीमध्ये कंपन निर्माण होतं आणि भूकंप येतो, भूकंप कसा येतो याबाबत आपल्याला माहिती असलेली ही सामान्य माहिती. त्यामुळे कुणीतरी पार्टनरला आकर्षित करण्यासाठी भूकंप घडवून आणतो असं सांगितलं तर साहजिकच आश्चर्य वाटणार.

युरोपियन फिडलर क्रॅब जे दक्षिण युरोपात आढळतात. या प्रजातीचे नर खेकडे. जे मोठ्या नखांसाठी जगभरात ओळखले जातात.  पार्टनरला प्रभावित करण्यासाठी ते भूगर्भात विशेष सिग्नल पाठवतात, जे अगदी भूकंपाच्या लाटांसारखे असतात.

शास्त्रज्ञांनी 8 हजारांहून अधिक खेकड्यांवर संशोधन केलं. जेव्हा शास्त्रज्ञांनी हा आवाज रेकॉर्ड केला आणि तो समजून घेण्याचा प्रयत्न केला तेव्हा त्यांना याबाबत माहिती झाली.

शास्त्रज्ञांच्या मते, हे खेकडे त्यांच्या जोडीदारांना आकर्षित करण्यासाठी मोठ्या ताकदीने त्यांचे पंजे किंवा कवच जमिनीवर मारतात. ज्यामुळे भूकंपाच्या वेळी निर्माण होणाऱ्या कंपनासारखीच कंपनं पृथ्वीवर निर्माण होतात. मादी या कंपनांच्या आधारे नराच्या ताकदीचा अंदाज घेते आणि स्वतःसाठी योग्य जोडीदार निवडते. (सर्व फोटो : प्रतीकात्मक)