महाराष्टातलं असं गाव, जिथे भरते चक्क मेंढ्यांची यात्रा, येतात नवरी सारख्या नटून!

सांगली जिल्ह्यातील दुष्काळी आटपाडी तालुक्याच्या गावामध्ये चक्क शेळ्या-मेंढ्यांची यात्रा भरते. फार पूर्वीपासून ही शेळ्या-मेंढ्यांच्या यात्रेची परंपरा असल्याचे आटपाडीतील ग्रामस्थ सांगतात.

दरवर्षी ग्रामदैवत श्री उत्तरेश्वराच्या उत्सवानिमित्त कार्तिक पौर्णिमेला ही शेळ्या-मेंढ्यांची यात्रा भरते. यंदाही आटपाडी शहरातील कृषी उत्पन्न बाजार समितीच्या आवारामध्ये जनावरांची यात्रा मोठ्या उत्साहात संपन्न होत आहे.

आटपाडीतील या प्रसिद्ध यात्रेमध्ये पूर्वी माणदेशी खिलार बैलांची मोठ्या प्रमाणात खरेदी विक्री होत होती. अलीकडच्या दोन-चार वर्षांमध्ये गाई म्हशी आणि खिलार बैलांऐवजी शेळ्या आणि मेंढ्यांना मोठा प्रतिसाद मिळत आहे. अलीकडे माडग्याळी मेंढ्या या यात्रेचे प्रमुख आकर्षण ठरत आहेत.

बेळगाव सांगली सातारा कोल्हापूर सोलापूर सह कर्नाटक राज्यातून अनेक व्यापारी आणि शेतकरी शेळ्या-मेंढ्यांच्या खरेदी विक्रीसाठी आले आहेत. शेळ्या-मेंढ्यांची ही महाराष्ट्रातील सर्वात मोठी यात्रा आहे.

यामुळे पशुपालकांना दर्जेदार शेळ्या-मेंढ्या खरेदी करता येतात. या यात्रेतून लाखोंची उलाढाल होत असल्याचे ग्रामस्थांनी सांगितले.

माणदेशातील प्रसिद्ध माडग्याळी मेंढ्या या यात्रेचे प्रमुख आकर्षण ठरत आहेत. अडीच लाखांपासून 51 लाखांपर्यंत या मेंढ्यांच्या किंमती आहेत. तीन दिवसाच्या कोपरापासून मोठ्या मेंढ्यांपर्यंत खरेदी-विक्री होते आहे.

रंगवलेल्या, सजवलेल्या शेळ्या-मेंढ्यांनी आटपाडी कृषी उत्पन्न बाजार समितीचे संपूर्ण आवार फुलले आहे. हौशी मेंढपाळ जातिवंत आणि दर्जेदार शेळ्या-मेंढ्यांना नटवून-सजवून, वाजत-गाजत यात्रेत घेऊन येत आहेत.