Dmart कडून प्रत्येक महिन्याला कमावू शकता लाखो रुपये, काय आणि कसं करायचं? ही संधी सोडू नका

डीमार्ट ही एक अशी सुपरमार्केट चेन आहे जी आज जवळपास प्रत्येकाला माहीत आहे. येथे नेहमीच खरेदीदारांची गर्दी असते. यामागचं मुख्य कारण म्हणजे, डीमार्टमध्ये वस्तू किफायतशीर दरात उपलब्ध होतात. यामुळे अनेक लोक येथे खरेदी करण्यासाठी रांगेत उभे राहतात. इतर सुपरमार्केट्सच्या तुलनेत डीमार्टची वेगळी खासियत आहे. हे ग्राहकांच्या गरजा ओळखून त्यांना परवडणाऱ्या दरात सामान उपलब्ध करून देतं आणि विक्रेत्यांमध्ये स्पर्धा निर्माण करतं.

सामान कसा स्वस्तात मिळतो?डीमार्ट अशा व्यापार्‍यांकडून माल खरेदी करतं जे तो कमी दरात पुरवतात. यामुळे ग्राहकांना किफायतशीर दरात वस्तू मिळतात आणि व्यापार्‍यांनाही चांगला नफा मिळतो. हाच व्यवसाय मॉडेल सर्वांसाठी फायद्याचा ठरतो. त्यामुळे कमी दरात आपल्याला वस्तू मिळतात.

डीमार्टकडून पैसे कसे कमवाल?यासाठी तुम्ही डीमार्टसोबत व्यवसाय करु शकता. जर तुमच्याकडे एखादं क्वालिटी प्रॉडक्ट असेल आणि तुम्हाला ते विकायचं असेल, तर तुम्ही ते डीमार्टमार्फत विकू शकता. उदाहरणार्थ, तुम्ही उत्तम दर्जाची मिठाई बनवता? तर तुम्ही डीमार्टशी करार करू शकता. कमी नफा असला तरी जास्त प्रमाणात विक्रीमुळे तुम्हाला चांगली कमाई होऊ शकते. हे फक्त मिठाईपुरतं मर्यादित नाही; कोणत्याही उत्पादनासाठी हीच पद्धत लागू होते.

डीमार्टमध्ये उत्पादन विकण्यासाठी काय करावे लागेल?डीमार्ट दर मंगळवारी विक्रेत्यांशी संवाद साधतो. काही काळ ही प्रक्रिया थांबवली होती, मात्र आता ती पुन्हा सुरू झाली आहे. यासाठी तुम्हाला सर्वप्रथम डीमार्टच्या वेबसाईटवर जाऊन फॉर्म भरावा लागेल: https://www.dmartindia.com/partner-with-us

या फॉर्ममध्ये तुमचं नाव, मोबाईल नंबर आणि उत्पादनाची माहिती विचारली जाईल. फॉर्म सबमिट केल्यानंतर डीमार्टची टीम तुम्हाला संपर्क करेल आणि मंगळवारी भेटीसाठी वेळ निश्चित करेल. त्यानंतर किंमत, नफा आणि इतर अटींवर चर्चा करून करार ठरवता येईल.

जमीन किंवा दुकान देऊनही कमाई करता येतेडीमार्ट विस्ताराच्या प्रक्रियेत आहे. जर तुमच्याकडे जागा, घर किंवा दुकान असेल आणि तुम्हाला ते विकायचं किंवा भाड्याने द्यायचं असेल, तर डीमार्ट त्यामध्ये रस दाखवू शकतो. 2000 पासून ही कंपनी देशभरात विस्तार करत आहे आणि सध्या 70 पेक्षा जास्त शहरांमध्ये तिचे स्टोअर्स आहेत. यासाठीही तुम्हाला हाच फॉर्म भरावा लागेल: https://www.dmartindia.com/partner-with-us