Indian Railway : आई-आजीने तूप बनवून दिलंय, पण ट्रेनने नेताना रेल्वेचा हा नियम माहिती करून घ्या

आता सुट्टीचा कालावधी सुरू झाला आहे. शाळा-कॉलेज, कामाच्या निमित्ताने घरापासून दूर असणारे लोक आपल्या घरी जातात, गावाला जातात.

आता घरी जाणार म्हटल्यावर आई, आजी तिथून परतताना काही ना काही बनवून देणारच. बरेच लोक आई, आजीच्या हातचं घरगुती तूप बनवून आणतात.

पण तूप ज्वलनशील पदार्थांमध्ये येतं. अनेक ठिकाणी असे पदार्थ घेऊन जाण्यास मनाई असते किंवा त्याबाबत नियम असतात.

ट्रेनमध्ये तेल, पेंट असे ज्वलनशील पदार्थ नेण्यास बंदी आहे. पण तुपासाठी खास नियम आहेत. त्यामुळे तुम्हीही ट्रेनमध्ये तूप घेऊन जाणार असाल तर हे नियम तुम्हाला माहिती हवेच.

तूप टिनमध्ये व्यवस्थित पॅक केलेलं असावं. अशा पद्धतीने नीट पॅक असेल तर 20 किलोपर्यंत तूप तुम्ही घेऊन जाऊ शकता.