Weather Alert: 150 किमी वेगाने संकट शहराकडे, 50 किलो वजनाची माणसं उडून जाण्याचा अलर्ट

जगभरात सध्या हवामानामध्ये मोठा बदल होताना दिसत आहे. काही देशांमध्ये अचानक उष्णता वाढली आहे तर कुठे पावसाचं संकट आलं आहे. अलीकडे म्यानमारसह अनेक देशांमध्ये भूकंपाचे धक्के जाणवले आहे. अशातच आता चीनवर आणखी एक मोठं अस्मानी वादळ घोंघावत आहे. चीनमध्ये 150 वेगाने वादळ येण्याची सुचना हवामान विभागाने दिली आहे. त्यामुळे चीनमध्ये शाळा महाविद्यालयांना सुट्टी देण्यात आली आहे. तसंच लोकांना बाहेर न पडण्याची सुचना दिली आहे. 

चीनवर एकीकडे अमेरिकेनं लादलेल्या ट्रॅरिफचा सामना करत आहे. अशातच आता चीनवर अस्मानी संकटाचे ढग दाटले आहे. या आठवड्याच्या शेवटी लोकांना त्यांच्या घरातच राहण्याचा सल्ला चीन सरकारने दिली आहे.  कारखान्यात काम करणाऱ्या कामगारांना लवकरच घरी परतण्याचा सल्ला देण्यात आला आहे. 

एवढंच नाहीतर,  ५० किलोपर्यंत वजन असलेल्या लोकांनी विशेष काळजी घ्यावी, असा इशाराही दिला आहे. या आठवड्याच्या शेवटी चीनमध्ये जोरदार वारे वाहत असल्याने विनाशाची भीती आहे. अशा परिस्थितीत हलक्या वजनाची लोक उडून जाण्याची भीती वर्तवण्यात आली आहे.

 शहरात ऑरेंज अलर्ट - शुक्रवार ते रविवारपर्यंत बीजिंग, तियानजिन आणि हेबेईमध्ये ताशी १५० किमी वेगाने वारे वाहतील. शेजारील देश मंगोलियाकडून आग्नेय दिशेने थंड वारे वाहत आहे. बीजिंगमध्ये वादळाबाबत ऑरेंज अलर्ट जारी करण्यात आला आहे. मागील काही दशकात प्रथमच असा अलर्ट दिला आहे.

मंगोलियाहून येणारे जोरदार वारे असामान्य नाहीत. हे वारे गेल्या काही वर्षांत या प्रदेशात आलेल्या कोणत्याही वाऱ्यांपेक्षा जास्त तीव्र असण्याची अपेक्षा आहे. शनिवारी सर्वात जोरदार वारे येतील तेव्हा बीजिंगमधील तापमान २४ तासांत १३ अंश सेल्सिअसने कमी होण्याची शक्यता आहे. 

स्पर्धा केल्या रद्द - बीजिंग शहरात वारे खूप जोरात असतील. हे बराच काळ टिकतील आणि मोठ्या क्षेत्रावर परिणाम करतील, जे विनाशकारी ठरू शकते. चीनमध्ये वाऱ्याचा वेग १ ते १७ या प्रमाणात मोजला जातो. चीनच्या हवामान खात्यानुसार, या आठवड्याच्या शेवटी ११ व्या पातळीचे वारे वाहतील ज्यामुळे गंभीर नुकसान होऊ शकतं. लेव्हल १२ वाऱ्यांमुळे प्रचंड विनाश होतो. या आठवड्याच्या शेवटी, चीनमध्ये वारे ११ ते १३ पातळीच्या दरम्यान वाहण्याची अपेक्षा आहे.

ज्यामुळे जगातील पहिल्या ह्युमनॉइड रोबोट हाफ मॅरेथॉनसह अनेक क्रीडा स्पर्धा पुढे ढकलण्यात आल्या आहेत. त्यामुळे गरज असेल तर घराबाहेर पडा, असा सल्लाच चीन प्रशासनाने दिला आहे. खबरदारी म्हणून  उद्यानं आणि पर्यटन केंद्रे बंद करण्यात आली आहेत. एवढंच नाही शहरे आणि आसपासच्या भागात बांधकाम आणि रेल्वे सेवा देखील स्थगित करण्यात आल्या आहेत.

बीजिंगमध्ये जंगलात आगीचा देखील धोका वर्तवण्यात आला आहे.  शहरातील हजारो झाडे पडू नयेत म्हणून त्यांना मजबूत करण्यात आलं आहे किंवा छाटण्यात आले आहे. अधिकाऱ्यांनी लोकांना डोंगर आणि जंगलात जावू नये असा इशारा दिला आहे.  जिथे वारे विशेषतः जोरदार असण्याची शक्यता आहे.