Weird Place : असं ठिकाण जिथं मूल जन्मालाच येत नाही, रहस्य काय?

हम दो, हम दो म्हणत असताना भारत जगातील सर्वात जास्त लोकसंख्या असलेला देश बनला. पण या पृथ्वीवर असा एक देश आहे जिथं 96 वर्षांपासून एकही मूल जन्माला आलेलं नाही.

जगभरात कित्येक देश आहेत. काहींची लोकसंख्या जास्त आहे, तर काहींची कमी आहे. जन्ममृत्यूदर कमीजास्त आहेत. पण तुम्हाला सांगितलं की एक असा देश आहे, जिथं कोणतं बाळ जन्माला येतच नाही.असं सांगितलं तर साहजिकच यावर विश्वास बसणार नाही.

तुम्हाला आश्चर्य वाटेल एक असा देश आहे, जिथं  गेल्या 96 वर्षांपासून इथं एकही मूल जन्माला आलं नाही. या देशाची स्थापना 11 फेब्रुवारी 1929 रोजी झाली, पण तेव्हापासून इथं एकही मूल जन्माला आलेलं नाही.

मान्यताप्राप्त देशांच्या यादीत तो सर्वात लहान आहे.  रोमन कॅथलिक ख्रिश्चन धर्माचे सर्व धार्मिक नेते या देशात राहतात. जगभरातील सर्व कॅथलिक चर्च आणि कॅथलिक ख्रिश्चन ते त्यांचे मूळ मानतात. कॅथलिक चर्च, त्याचे पादरी आणि जगभरातील प्रमुख धार्मिक नेते येथून नियंत्रित केले जातात.

महत्त्वाची माहिती अशी आहे की या देशाच्या निर्मितीपासून इथं कोणतंही रुग्णालय बांधलेलं नाही. रुग्णालय बांधण्यासाठी अनेक विनंत्या करण्यात आल्या, पण प्रत्येक वेळी त्या नाकारण्यात आल्या. अशा परिस्थितीत, जर इथं कोणी गंभीर आजारी असेल किंवा एखादी महिला गर्भवती असेल तर त्यांना रोममधील रुग्णालयात पाठवलं जातं.

या देशात रुग्णालय न उघडण्याचा निर्णय त्याच्या लहान आकारामुळे आणि आजूबाजूच्या परिसरातील वैद्यकीय सुविधांच्या दर्जामुळे घेण्यात आला असावा असं म्हटलं जातं. प्रत्यक्षात याचं क्षेत्रफळ फक्त 118 एकर आहे. अशा परिस्थितीत, सर्व रुग्णांना उपचारांसाठी रोममधील क्लिनिक आणि रुग्णालयात दाखल करावं लागतं. इथं प्रसूती कक्ष नसल्याने कोणीही मुलाला जन्म देऊ शकत नाही.

कदाचित हेच कारण असेल की या देशात 96 वर्षांपासून एकही मूल जन्माला आलेलं नाही. आता हा देश कोणता हे जाणून घेण्याची उत्सुकता तुम्हाला असेल. हा देश रोम शहराच्या मध्यभागी आहे.  या देशाचं नाव व्हॅटिकन सिटी आहे.