Pune Traffic : गणपती विसर्जनासाठी पुण्यात वाहतुकीत मोठे बदल, हे रस्ते राहणार बंद, पर्यायी मार्ग कोणते?

पुणे : पुण्यातील पारंपरिक गणपती विसर्जन मिरवणूक शनिवारी (दि.6) सकाळी 9 वाजता मोठ्या जल्लोषात आणि भक्तिमय वातावरणात सुरू होणार आहे. या मिरवणुकीत हजारो भाविक, मंडळे आणि विविध ढोल-ताशा पथकांचा सहभाग होतो. या पार्श्वभूमीवर वाहतुकीत मोठे बदल करण्यात आले असून, पोलिसांनी अनेक रस्ते बंद, काही रस्त्यांवर नो पार्किंग आणि पर्यायी पार्किंग व्यवस्था जाहीर केली आहे. वाहतूक विभागाचे पोलिस उपायुक्त हिंमत जाधव यांनी याबाबत आदेश दिले असून, नागरिकांनी या बदलांचे पालन करावे, असे आवाहन करण्यात आले आहे.