आयुष कोमकर हत्या प्रकरणात नवा ट्विस्ट, मामी सोनाली आंदेकर पुणे पोलिसांच्या ताब्यात

वनराज आंदेकरच्या हत्येचा बदला घेण्यासाठी भाचा आयुष कोमकरची हत्या केल्याचा पोलीसांना संशय आहे. या प्रकरणात पोलिसांनी बंडू आंदेकरसह अनेकांना अटक केली आहे. वनराज आंदेकरची पत्नी सोनाली आंदेकर हिचा देखील आयुष कोमकर हत्या प्रकरणात सहभाग असल्याचा संशय पुणे पोलिसांना आहे. त्यासाठी पुणे पोलीस हे सोनाली आंदेकर हिच्या मागावर होती. विविध पथके नेमून पोलीस फरार सोनाली आंदेकर हिचा शोध घेत होते. अखेर आज सोनाली आंदेकरला दुपारी नाना पेठ परिसरातून पोलिसांनी ताब्यात घेतले आहे.

मुख्य आरोपी आणि आंदेकर टोळीचा म्होरक्या बंडू आदेकर, कृष्णा आंदेकर, शिवम आंदेकर, अभिषेक आंदेकर, शिवराज आंदेकर, लक्ष्मी आंदेकर, तुषार वाडेकर, स्वराज वाडेकर, वृंदावनी वाडेकर, अमन पठाण, यश पाटील, अमित पाटोळे, सुजल मिरगू आणि मुनाफ पठाणला देखील अटक केली आहे.

पाच दशकाचा रंक्तरंजीत इतिहास असणाऱ्या आंदेकर टोळीला पुरतं संपवण्यासाठी पुणे पोलिसांनी कंबर कसली आहे. या हत्या प्रकरणात ज्यांच्या ज्यांच्या संशय आहे अशा सर्वांना पोलिसांनी ताब्यात घ्यायला सुरुवात केली आहे. यामध्ये आता आयुष कोमकर याची मामी आणि वनराजची पत्नी सोनाली आंदेकरसा सुद्धा पोलिसांनी ताब्यात घेतले आहे. ताब्यात घेतल्यानंतर आणखी काय खुलासा या प्रकरणात होतो हे पाहणे महत्वाचे आहे. आंदेकर टोळीचे वर्चस्व गेल्या काही मोठ्या प्रमाणात वाढलेले आहे. बाळू आंदेकर याच्यानंतर सूर्यकांत ऊर्फ बंडु आंदेकर याच्याकडे टोळीची सुत्रे आहेत.