सकाळी घराबाहेर पडलेली प्रतीक्षा परतलीच नाही; 6 दिवसांनी लेकीला त्या अवस्थेत पाहून सरकली कुटुंबाच्या पायाखालची जमीन

प्रतीक्षा ही शिक्षण घेत असून ती शारदानगर येथे वास्तव्यास होती. ९ मार्च रोजी सकाळी ती घरातून बाहेर पडली होती, मात्र बराच वेळ उलटूनही ती परतली नाही. कुटुंबीयांनी आपल्या स्तरावर नातेवाईक आणि मित्र-मैत्रिणींकडे तिची शोधाशोध केली. मात्र तिचा काहीही थांगपत्ता लागला नाही. त्यानंतर अखेर वडिलांनी माळेगाव पोलीस ठाण्यात ती बेपत्ता असल्याची अधिकृत तक्रार दाखल केली. पोलिसांसह गावकरी आणि मित्रपरिवारानेही तिचा शोध घेण्याचे प्रयत्न सुरू ठेवले होते.