'साहेब, तो माझ्या मुलीला मारून टाकेल'; महिलेचा तो आकांत अन् पोलिसांची रात्रभर धावपळ; पहाटे हादरवणारं सत्य समोर

पिंपरी-चिंचवड: "साहेब, वाचवा! तो माझ्या सहा वर्षांच्या मुलीला मारून टाकण्यासाठी घेऊन गेला आहे," असा टाहो फोडत एक महिला मध्यरात्री चिंचवड पोलीस ठाण्यात आली. हा गंभीर प्रकार ऐकताच कर्तव्यावर असलेल्या पोलिसांच्या काळजाचा ठोका चुकला आणि एका चिमुकलीचा जीव वाचवण्यासाठी अख्खं पोलीस दल कामाला लागलं. मात्र, रात्रभर धावपळ केल्यानंतर जेव्हा सत्य समोर आलं, तेव्हा पोलीसही चक्रावून गेले.