Pune : रोहित पवार, सुप्रिया सुळे यांनी अजितदादांची घेतली भेट; चर्चेला उधाण

चंद्रकांत फुंदे, पुणे : उपमुख्यमंत्री अजित पवार आज पुण्यात सकाळी सात वाजल्यापासून बैठका घेत आहेत. विविध प्रश्नांवर नियोजीत बैठका सुरू असून या बैठकांमध्ये अजित पवार यांची रोहित पवार, राजेश टोपे आणि सुप्रिया सुळे यांनी भेट घेतली. रोहित पवार हे सर्किट हाऊसला गेले होते. या भेटीत अनेक मुद्द्यांची चर्चा झाल्याचं म्हटलं जात आहे. राष्ट्रवादीचे चिन्ह तुतारीचे अनावरण रायगडवर होणार आहे. त्याआधी ही भेट झालीय. अजित पवार सकाळी सातच्या सुमारास सर्किट हाउसला आले. तिथं अचानक रोहित पवार आल्याने सर्वांच्या भुवया उंचावल्या. रोहित पवार हे त्यांच्या मतदारसंघातील कामाच्या निमित्ताने भेटीला आल्याचं सांगण्यात आलंय.