Pune News: पुण्यात 2 डिसेंबरला बँका, सरकारी कार्यालय राहणार बंद; नक्की कारण काय?

पुणे जिल्ह्यासह इतर जिल्ह्यांतील मतदारांनाही मतदानाच्या सरकारी सुट्टी जाहीर करण्यात आली आहे. नगर परिषद आणि नगर पंचायतीच्या मतदानाच्या दिवशी सार्वजनिक सुट्टी आळंदी, बारामती, भोर, चाकण, दौंड, फुरसुंगी- उरळी देवाची, इंदापूर, जेजुरी, जुन्नर, लोणावळा, माळेगाव बुद्रुक, मंचर, राजगुरुनगर, सासवड, शिरूर, तळेगाव दाभाडे आणि वडगाव या तालुक्यांमध्ये मतदार संघात सुट्टी असणार आहे. कारखाना किंवा शेतमजुर काम करणाऱ्या कामगारांना सुट्टी देण्यात आली आहे. खरंतर, या सुट्ट्या मतदारसंघातील जे मतदार त्यांच्या मतदारसंघाच्या बाहेर काम करतात, त्यांना हे लागू होणार आहे.

केंद्र शासनाचे शासकीय कार्यालय, निमशासकीय कार्यालय, सार्वजनिक उपक्रम आणि बँकांसह आदींना सार्वजनिक सुट्टी लागू राहील. येत्या 2 डिसेंबर रोजी पात्र मतदारांनी मतदान करावे, असे आवाहन डुडी यांनी केले आहे. 2 डिसेंबर रोजी राज्यातील 246 नगर परिषद आणि 42 नगर पंचायत साठी मतदान पार पडणार आहेत. प्रत्येक मतदाराला मतदान करता यावं यासाठी जिल्हा निवडणूक अधिकार्‍यांनी सुट्टीचा निर्णय जाहीर केला आहे.