HSRP Update: आता शेवटची संधी, अन्यथा थेट कारवाई होणार, HSRP बाबत महत्त्वाचं अपडेट

सर्वोच्च न्यायालयाच्या आदेशानुसार राज्यातील 2019 पूर्वीच्या सर्व वाहनांवर एचएसआरपी नंबरप्लेट बसविणे बंधनकारक आहे. यासाठी पाच महिन्यांपासून मोहिम राबविली जात असूनही अपेक्षित प्रतिसाद मिळाला नसल्याने आता चौथ्यांदा मुदतवाढ देण्यात आली आहे. पुण्यातील परिस्थिती पाहता सध्या 26 लाखांहून अधिक वाहनांना ही नंबरप्लेट बसवायची आहे. रोझमार्टा कंपनीला हे काम सोपविण्यात आले असून, फिटमेंट केंद्रांवर प्रक्रिया सुरू आहे.

राज्यातील केवळ 15 ते 17 टक्के वाहनधारकांनी एचएसआरपी नंबरप्लेट लावली आहे. अनेकांना 15 ऑगस्टपर्यंत नंबरप्लेट बसविणे शक्य झाले नाही. ग्रामीण भागात फिटमेंट केंद्रांची संख्या कमी आहे. काही फिटमेंट केंद्र बंद झाल्याने मागणी वाढली आहे.