Jayant Patil : प्रफुल्ल पटेल-शरद पवार यांचा व्हायरल फोटो! जयंत पाटील यांनी सांगितलं सत्य

शरद पवार आणि प्रफुल्ल पटेल यांच्या फोटोबाबत बोलताना जयंत पाटील म्हणाले, संसदेच अधिवेशन असताना अनेक खासदार एकत्र भेटतात. फोटो काढण्याचा मोह त्यांना आवरला नसेल म्हणून काढला असेल, असा टोला त्यांनी प्रफुल्ल पटेल यांना लगावला. त्याचवेळी उद्योगपती अडाणी यांच्यासोबतच्या फोटोवरही जयंत पाटील यांनी प्रतिक्रिया दिली. अडाणी यांनी नवा उद्योग सुरू केला आहे. त्यांच्या उद्घाटनाला पवार गेले यात गैर काय? तो प्रकल्प काही आपल्या राज्यातून गेलेला नाही. त्यांना नवा प्रकल्प साहेबांना दाखवायचा असेल. पवार साहेब इंडियामध्ये काम करतात. त्यात काही शंका घेऊ नये, असंही पाटील यांनी स्पष्ट केलं.

मला राष्ट्रीय पक्षाबद्दल माहिती नाही. नागालँड सरकार स्थापन होताना सगळे आमदार सरकारमध्ये गेले आहेत. त्यांनी भाजपशी आधीच सलगी केली आहे. अजित पवारांनी जे केलं त्याचा काही संबंध नाही. त्यानी आधीच भाजपला पाठींबा दिला आहे.

तुम्हाला काही ऑब्जेक्शन आहे का?आम्ही ठरवू. लोकशाहीत पोस्टर कुणीही लावू शकतं. समर्थक कुणाला कुठही नेऊन बसवतात. पवार साहेब यांच्याकडे जे नेते अहेत, त्याच्याकडे मुख्यमंत्री व्हावे असे अनेक नेते आहेत. अनेकांचे फ्लेक्स लागतात आता अजुन एक लागला आहे.