Pune Traffic: पुण्यातील वाहतुकीत मोठे बदल, 2 दिवस 'या' मार्गांवर प्रवेश बंदी, पाहा पर्यायी रस्ते

पुण्याकडून नगरकडे जाणारी वाहने खराडी बाह्यवळण मार्गाने मुंढवा, मगरपट्टा चौक, पुणे–सोलापूर रस्ता, केडगाव चौफुला, न्हावरा व शिरूर मार्गे नगर रस्त्याकडे वळविण्यात आली आहेत.

शहरात अवजड वाहनांना प्रवेश बंद करण्यात आला आहे. लोणी काळभोर येथील थेऊर फाटा, खडकीतील हॅरिस पूल, विश्रांतवाडीतील बोपखेल फाटा, बाणेरमधील राधा चौक, सिंहगड रस्त्यावरील नवले पूल, कात्रज चौक, कोंढव्यातील खडी मशिन चौक, फुरसुंगी येथील मंतरवाडी फाटा आणि मरकळ पूल या मार्गांवरून शहरात येणाऱ्या सर्व जड वाहनांना बंदी आहे.

लोणीकंद येथील आपले घर परिसर, बौद्ध वस्ती व तुळापूर फाटा (स्टफ कंपनीजवळ) येथे मोटारी व हलक्या चारचाकी वाहनांसाठी पार्किंगची सोय आहे. दुचाकी वाहनांसाठी आपले घर शेजारील वाहनतळ, मोनिका हॉटेलजवळ व रौनक स्वीटजवळ जागा उपलब्ध आहे. बस व टेम्पोसाठी थेऊर रस्त्यावरील खंडोबाचा माळ, आपले घर सोसायटीजवळील मोकळी जागा, पेरणे गावातील छत्रपती शिवाजी महाराज पुतळ्याजवळील मैदान तसेच ज्ञानमुद्रा व सोमवंशी अकॅडमी परिसरात वाहनतळाची व्यवस्था करण्यात आली आहे.