Elevated road project : पुणे-नाशिक महामार्गावरील वाहतूक कोंडीची समस्या आणखी वाढणार,महत्त्वाचा प्रकल्प पडला लांबणीवर

पुणे : पुणे-नाशिक महामार्गावरील वाहतूक कोंडी ही नेहमीची बाब आहे. त्यामुळे ही वाहतूक कोंडीची समस्या दूर करण्यासाठी नाशिक फाटा ते राजगुरुनगर हा तब्बल सोळा पदरी एलिव्हेटेड रस्ता बांधण्याचे काम सुरू होणार आहे. या रस्त्यासाठी निविदा प्रक्रिया आधीच सुरू झाली होती आणि ती २५ सप्टेंबरला उघडली जाणार होती. दरम्यान या रस्त्यासाठी आवश्यक जमीन राज्य सरकारकडून संबंधित एजन्सीला अजूनही दिलेली नाही.