'कदाचित माझ्या मुलीचा जीव वाचू शकला असता' अजितदादांसोबत विमान अपघातात मृत पिंकीच्या वडिलांचा खळबळजनक दावा

बारामती : राष्ट्रवादीचे दिवंगत नेते अजित पवार यांचं विमान अपघातात निधनाला आता महिना पूर्ण होत आहे. अजितदादांसोबत विमानात फ्लाईट अटेंडड असलेल्या पिंकी माळी हिचा सुद्धा मृत्यू झाला होता. पिंकीचे वडील शिवकुमार माळी आज बारामतीत  मुलीच्या मृत्यूचे प्रमाणापत्र घेण्यासाठी आले होते. "मी इथे आल्यानंतर माझ्या डोळ्यात पाणी आलं होतं, त्याच हॉस्पिटलमध्ये मला माझ्या मुलीची बॉडी ताब्यात देण्यात आली होती. ती वेळ आणि आजची वेळ अतिशय दुःखद आहे" असं म्हणत माळी भावनाविवश झाले. तसंच, VSR कंपनीच्या विमानामध्ये बेकायदेशीरपणे इंधनाचा साठा होता, जर हे नसतं तर कदाचित माझी मुलगी वाचली असती, असंही माळी म्हणाले.