पुण्यासह 19 जिल्ह्यांत रस्ते सुरक्षेचा जागर; आता कॉलेज तरुण वाचवणार रस्ते अपघातातील प्राण, काय आहे 'रस्ते सुरक्षा मित्र' मोहीम

पुणे: रस्ते अपघातात होणारे मृत्यू रोखण्यासाठी केवळ नियम असून चालत नाही, तर समाजात जागृती होणे आवश्यक आहे. हीच बाब लक्षात घेऊन केंद्रीय रस्ते वाहतूक आणि महामार्ग मंत्रालय (MoRTH) आणि केंद्रीय युवा व्यवहार व क्रीडा मंत्रालय यांनी संयुक्तपणे महाराष्ट्रात 'रस्ते सुरक्षा मित्र' उपक्रम लाँच केला आहे. 15 ऑगस्ट 2025 पासून राज्यातील 19 जिल्ह्यांमध्ये या मोहिमेचा श्रीगणेशा करण्यात आला असून, यात महाविद्यालयीन तरुणांची भूमिका अत्यंत कळीची ठरणार आहे.