नखं सुंदर दिसावीत म्हणून नेल आर्ट्स करताय? पुढचा त्रास टाळण्यासाठी पाहा हा Video
- Published by:News18 Marathi
Last Updated:
बहुतेक मुलींना नखांना देखील वेगवेगळे नेल आर्ट करण्याची आवड असते.
पुणे, 28 ऑगस्ट : आपण सुंदर दिसावं म्हणून मुली वेगवेगळ्या गोष्टी करत असतात. केस आकर्षक करणे, चेहऱ्याची चमक वाढवण्यासाठी ब्युटी प्रोडक्ट्स वापरणे यासह लांब नखं ठेवणंही मुलींना आवडतं. विशेष म्हणजे चेह-याच्या मेकअपप्रमाणेच त्या नखांची काळजी घेत असतात. बहुतेक मुलींना नखांना देखील वेगवेगळे नेल आर्ट करण्याची आवड असते. सुंदर नखं पाहिल्यानंतर त्यांचे नेलपॉलिश इतके सुंदर कसे लागते किंवा त्यांच्या नखांना इतका सुंदर आकार कसा दिला जातो, असा प्रश्न पडणे अगदी स्वाभाविक आहे.
या सुंदर नखांमागे नेल एक्स्टेन्शन आहे हे तुम्हाला माहीत आहे का? नेल एक्स्टेन्शन म्हणजे काय? ते कसे करतात? त्यामुळे तुमची नखं कशी सुंदर दिसतात. याविषयीची संपूर्ण माहिती पुण्यातल्या प्रसिद्ध नेल्स आर्टिस्ट सोनल भोमे यांनी दिली आहे.
नेस एक्स्टेन्शन म्हणजे काय?
‘तुमच्या आहे त्या नखावर आर्टिफिशियल नख लावणे म्हणजे नेल एक्स्टेन्शन. ते तुमचचं नख वाटावं या पद्धतीनं ते लावलं जातं. तुमची नखं लांब असो किंवा आखूड तुम्हाला हवा तो आकार तुम्हाला यामध्ये मिळू शकतो. त्याचबरोबर तुमच्या नखांना याचा त्रासही होत नाही', अशी माहिती भोमे यांनी दिली.
advertisement
किती आहेत प्रकार
जेल नेल एक्स्टेन्शन : हा सध्या सगळीकडे प्रचलित असलेला प्रकार आहे. यामध्ये तुम्हाला खोटी नखं लावली जात नाहीत तर जेलच्या मदतीनं नखं तयार केली जातात.
अॅक्रेलिक नेल एक्स्टेन्शन : हा आपल्या देशामधील सर्वात प्रचलित प्रकार आहे. अॅक्रेलिक मटेरिअलची तयार नखं बाजारात मिळतात. त्यालाच अॅक्रेलिक नेल एक्स्टेन्शन असं म्हंटलं जातं.
advertisement
फायबरग्लास नेल एस्टेन्शन : हा नेल एक्स्टेन्शनचा थोडा वेगळा प्रकार आहे. यामध्ये नखांचा तयार आकार मिळत नाही. तर, तुम्हाला पातळ तारांच्या स्वरुपात नेल एक्स्टेन्शन मिळते.
खोटी नखं तुमची खरी नखं खराब तर करतात?
नेल एक्स्टेन्शन हे तुमच्या नखाचे सौंदर्य वाढवते. हे लावण्यासाठी वापरले जाणारे केमिकल्स जास्त वापरले तर त्याचा त्रास नक्कीच होऊ शकतो. त्यामुळे कुठेही हे प्रयोग करू नका. योग्य पार्लर किंवा क्लिनिकमध्ये नेल एक्स्टेन्शन केले तर तुमची नखं खराब होणार नाहीत. तुम्हाला काही त्रास होत असेल तर त्याचे आधीच कल्पना द्या, असा सल्ला सोनल यांनी दिला.
advertisement
नखांवर प्रयोग करताना तुमची नखं मजबूत आहेत की नाही हे देखील पाहा. तुमची नखं चांगली असतील तर तुमच्या नेल इनॅमलला लगेचच त्रास होणार नाही. तुम्ही चुकीचे प्रयोग केले तर मात्र तुमच्या नखांना याचा त्रास होऊ शकतो. नेल आर्ट करण्यापूर्वी तेथील पॉडक्ट्स तपासून पाहा, अशी सूचनाही सोनल यांनी केली आहे.
Location :
Pune,Maharashtra
First Published :
August 28, 2023 7:24 PM IST
