Vaishnavi Hagawane: वैष्णवी हगवणे प्रकरणाचे पडसाद, पुण्यातील ग्रामस्थाने घेतला आदर्श निर्णय, Video

पुणे : पुणे येथील वैष्णवी हगवणे हुंड्यासाठी आत्महत्येच्या दुर्दैवी घटनेनंतर, मराठा समाजात पुन्हा एकदा विवाह पद्धतीतील त्रुटी, हुंडा पद्धतीचा आणि कौटुंबिक हस्तक्षेपासारख्या समस्यांवर गंभीर चर्चा सुरू झाली आहे. याच पार्श्वभूमीवर, पुण्यातील धायरी ग्रामस्थांनी बैठक आयोजित करत बैठकीत समाजहिताच्या दृष्टीने महत्त्वपूर्ण निर्णय घेण्यात आले. धायरी गावात ग्रामस्थांनी एकत्र येत हुंडा आणि लग्नातील प्रथांविरोधात ठोस पाऊल उचलले आहे. त्यांनी एक ऐतिहासिक ठराव मंजूर केला असून, गावात याची प्रभावी अंमलबजावणी होणार आहे.