Pune Metro News : पुण्यात मेट्रो स्थानकाच्या पाच मीटर परिसरात TOD झोन, नेमका प्लॅन काय?

या प्लॅन अंतर्गत वाहतूक, दळणवळण, नवीन बांधकामे, पार्किंग, गर्दीचे व्यवस्थापन आणि शहरी विकासाचे नियोजन नीट होण्यासाठी स्वतंत्र प्लॅन तयार केला जाणार आहे. त्यासाठी पिंपरी-चिंचवड महापालिकेने सल्लागार संस्थेची नेमणूक करण्यास मान्यता दिली आहे. आयुक्त श्रावण हर्डीकर यांच्या मार्गदर्शनाखाली स्थायी समितीने या प्रस्तावाला मंजुरी दिली असून हे काम महापालिकेचा विद्यमान विकास आराखडा तयार करणाऱ्या ‘एससीपी डिझाइन, प्लॅनिंग अँड मॅनेजमेंट’ या संस्थेकडे सोपवण्यात आले आहे. या संस्थेमार्फत पुढील नऊ महिन्यांत सविस्तर नियोजन आराखडा तयार करून सादर केला जाणार आहे.

टीओडी झोन निश्चित केल्यामुळे मेट्रो स्थानकांच्या परिसरात अधिक शिस्तबद्ध आणि नियोजनबद्ध बांधकामांना चालना मिळेल. यामुळे वाहतूक व्यवस्थेत सुधारणा, पादचारी मार्ग, सायकल ट्रॅक, सार्वजनिक सुविधा आणि हरितक्षेत्रांची वाढ होईल. हा आराखडा तयार झाल्यानंतर तो शासनाकडे मंजुरीसाठी पाठवण्यात येईल. शासनाची मान्यता मिळाल्यानंतर पुढील अंमलबजावणी सुरू होईल.