हॉटेलमध्ये जेवताना ताटात पाणी उडालं; टोकलं म्हणून थेट चाकूने सपासप हल्ला, पिंपरीतील संतापजनक प्रकार

आशुतोष पांडुरंग काटे (वय ३३, रा. पिंपळे सौदागर) हे मंगळवारी (२३ डिसेंबर) सायंकाळी आपल्या मित्रांसह पिंपरीतील एका हॉटेलमध्ये जेवण करण्यासाठी गेले होते. जेवण सुरू असताना वेटर तिथे आला आणि टिश्यू पेपर उचलत असताना त्याच्या हातातील पाण्याचे थेंब आशुतोष यांच्या ताटात पडले. या प्रकारामुळे आशुतोष यांनी वेटरला टोकले आणि व्यवस्थित काम करण्यास सांगितले.