'प्रशांत जगताप यांचं वक्तव्य बालीशपणाच', पुण्यात निवडणुकीआधी दोन्ही राष्ट्रवादीत वाद पेटला

पुणे : राष्ट्रवादी काँग्रेस शरदचंद्र पक्षाचे शहराध्यक्ष   प्रशांत जगताप यांनी शरद पवारांची भेट घेऊन दोन्ही राष्ट्रवादी काँग्रेस पुण्यात येण्यास विरोध असल्याची भुमिका पवारांच्या कानी घातली. त्यानंतर शरद पवारांनी देखील आपल्या भुमिकेला पाठिंबा दिल्याचा दावा प्रशांत जगताप यांनी केलाय. मात्र दुसरीकडे अजित पवारांचा पक्ष शरद पवारांच्या पक्षासोबत निवडणुकीपूर्वी आघाडी करण्यास आसुसलेला आहे. मात्र दोन्ही आघाडी एकत्र येण्यास प्रशांत जगताप अडसर ठरत असल्याने अजित पवारांच्या पक्षाकडून प्रशांत जगताप यांच्यावर वैयक्तिक टीका सुरु केलीय.अजित पवारांच्या पक्षाचे पुणे महापालिकेचे शिक्षण मंडळ सदस्य विनायक चाचर यांनी पत्रक काढून प्रशांत जगतापांवर टीका केली आहे. प्रशांत जगताप यांनी घेतलेला निर्णय हा वैयक्तिक असून त्यांच वक्तव्य बालीशपणाच असल्याचं चाचर यांनी त्यांच्या पत्रकात म्हटलय. अजित पवारांच्या पुण्यातील पक्ष कार्यालायाकडून हे पत्र प्रसिद्ध करण्यात  आलंय.